啡奴

营业中

休息中

Cafe嘅位置都比较偏僻，而且门面亦都唔算太突出好容易错过左。呢一间cafe带有工业风格，个门口位已经系打卡位，非常之适合影相放上Instagram。入到去空间都好大，而且感觉上好宽敞，我估中午嘅时候应该会好多人，所以建议大家早少少过嚟，或者过咗食饭嘅时间！入到门口之后，就系佢哋嘅吧枱，点餐就要出返埋呢一度点。今次我就叫咗佢哋嘅牛油果酱配炒蛋多士（$50），另外加多$15就可以有佢哋嘅Latte，总共$65没有+1服务费！以早餐来讲个价钱合理。-个炒蛋都算好滑，个多士都有烤过，非常之香脆，你旁边有少少沙律配合埋黑醋，而我唔系好食到佢哋嘅牛油果嘅味道。-如果咖啡嘅味道算OK，感觉上唔系太苦亦都唔系太酸，唔算话太特别！总括来讲，呢一间cafe唔会有太大嘅惊喜，食物同饮品来讲都不过不失，佢地好在可以坐喺度做吓嘢或者同朋友倾吓计。