彩

营业中

休息中

网上见到呢间沾面店好出名，所以今日特登嚟试吓，不过地点真系好隐蔽，系一条唔起眼既横街入面，连门口都冇太大嘅标志，争啲以为自己去错咗地方。餐厅有几款汤底可以拣，有豚骨，黑蒜油同虾味增，我叫咗豚骨沾面，试下最基本嘅汤底，面底方面都有得拣，分别有小麦面，黑胡椒面同埋伯爵茶面，有选择困难症嘅朋友真系搞唔掂🤦🏻‍♂️讲讲嘢食，佢哋嘅份量其实非常多，如图所见碟面真系好大碟。汤方面，餐厅只系用咗一只普通嘅瓷碗装住，食到后面碗汤就会唔够热。值得一赞嘅系佢哋好有心思，将餐厅logo印咗喺紫菜上边，增加卖相。至于汤底，味道10分鲜明浓郁，加上有唔少油系面，配搭面条嘅时候会特别顺滑，可惜面条嘅挂汤能力唔够，可以喺下面嘅图睇到，叉烧方面就非常林好食，食材有经过严选。总结来讲，其实汤底都好食嘅，面底有多款选择都好有创意，不过作为一间沾面店，我认为有几样野需要改善一下，包括能够保持温度嘅装汤器皿同埋挂汤能力 。