影片
更多
2010-04-20
267 浏览
早几日师傅一兜友冇咩野做出左去太子, 遇啱放饭时间又加上鬼死咁肚饿, 于是就谂下有咩好食啦; 师傅忽然灵机一触醒起呢间食店, 皆因每次行经都不其然会有冲动入去食一餐, 但碍于唔系太多人就系师傅唔肚饿; 有见及此, 机会难逢, 立即飞奔而去!入到食店冇咩人, 师傅第一时间埋去睇下有咩食, 顺便望下个卖相得唔得; 最后谂左一阵师傅决定简简单单, 于是就柯打左米粉, 猪皮, 猪红, 牛肚同猪肠, 再顺便加少少辣汁! 比完钱就准备攞埋位啦, 唔知系师傅靓仔定一向都有招呼呢, 个阿姐竟然帮师傅捧去个位度, 𠮶一下真系有少少感动!坐底后, 师傅第一时间当然系试下个汤底, 汤底嘅柱侯味几浓, 不过都几好味, 而且唔多觉有味精添, 第一口嘅印象已经甚佳; 再试下猪皮, 猪皮尚算爽口, 唔会有韧嘅感觉, 而且够入味, 口感一流, 得㖞; 再试猪红, 猪红就碎左少少, 而且唔够滑身, 幸好都入味, 坦白讲真系冇边几得间有“明记”啲猪红咁出位; 而牛肚系金钱肚, 个卖相靓过普通牛肚, 而且炆得够腍够入味, 师傅好耐冇食过咁正嘅牛肚, 十分好味; 最后系猪肠, 猪肠唔会太肥, 加上炆得够腍够入味, 唔会韧到咬
入到食店冇咩人, 师傅第一时间埋去睇下有咩食, 顺便望下个卖相得唔得; 最后谂左一阵师傅决定简简单单, 于是就柯打左米粉, 猪皮, 猪红, 牛肚同猪肠, 再顺便加少少辣汁! 比完钱就准备攞埋位啦, 唔知系师傅靓仔定一向都有招呼呢, 个阿姐竟然帮师傅捧去个位度, 𠮶一下真系有少少感动!
坐底后, 师傅第一时间当然系试下个汤底, 汤底嘅柱侯味几浓, 不过都几好味, 而且唔多觉有味精添, 第一口嘅印象已经甚佳; 再试下猪皮, 猪皮尚算爽口, 唔会有韧嘅感觉, 而且够入味, 口感一流, 得㖞; 再试猪红, 猪红就碎左少少, 而且唔够滑身, 幸好都入味, 坦白讲真系冇边几得间有“明记”啲猪红咁出位; 而牛肚系金钱肚, 个卖相靓过普通牛肚, 而且炆得够腍够入味, 师傅好耐冇食过咁正嘅牛肚, 十分好味; 最后系猪肠, 猪肠唔会太肥, 加上炆得够腍够入味, 唔会韧到咬唔开, 所以都几鬼好食! 而米粉就冇咩特别, 不过胜在配埋佢地嘅辣椒酱, 份外惹味!
总括黎讲车仔面质素不俗, 环境就一般, 服务都可以, 话晒有招呼嘛, 而价钱唔贵, 公价五蚊一个𩠌, 埋单廿六蚊, 而且份量都唔少, 绝对够饱! 填满肚子后, 𠮶种充实感真系难以言谕, 而𠮶一刻师傅觉得呢间车仔面比起明记似乎更好, 皆因味精少好多而水准不错; 呢间食店都算隐蔽, 话晒师傅喺呢区都好多年, 竟然未黎过, 你话仲唔系隐蔽? 同一条街, 一间街头一间街尾, 师傅由呢一刻起又会多一间好味嘅车仔面作为选择; 笑脸一定会比, 必定仲有下次!
张贴
