旺角文記小食

营业中

休息中

如果唔係夜麻麻揾野食，應該唔會幫襯佢，落錯單，叫果樣變左第二樣，好似唔識聽粵語咁；計錯數，可能就係落錯太多嘢先至會計錯數；食物一般，去其他小食店都可能好食過佢；服務態度一般，唔係好理人，說話半咸半淡；感覺環境和衛生都一般煮食地方開放式，好清晰睇到裏面衛生，真係唔掂，見到啲漬好唔開胃；雅座環境太過殘舊；看見有些食材隨處擺放，還看見在外街處理食物；唯一好處就只有餐具乾淨。如非必要，好我咁要食宵夜，真係食過一次算！

饿了路过，发现入座率蛮高的，就决定来尝尝。点了C餐和鱼蛋鸡翼。C餐面很好吃呀（比预想中的好吃），推荐点abcd餐。但是鱼蛋有点咸了。鸡翼感觉一般水平。冻奶茶一般，有点甜个人喜欢茶味重的，冻柠茶好喝

呢間野係Mk好多年，門面不是汗淨的，以前食過不好吃所以平日好少食文記，但聽同事講話說已轉手，但見嚟見到都好似係個班人咁🤔真係轉左手咩。不過諗住轉手後食物會有返D質素點知都係差😩😩😩明明叫生菜魚肉碗仔翅，但都甩左個生菜🥬已重點講左3次，所以我5係太喜歡文記就係咁解，D丫姐永遠都好似夢遊咁，辣菜脯是好吃的。碗仔翅依然好杰撻撻的，料不多，無木耳的，魚肉比較粉，無魚肉口感，就是在吃粉團。我覺得質素還是沒變過😂😂

因為我們只是吃了下午茶的關係我倆肚餓說不上但也未至於夠飽肚，忽然醒起了很久很久沒有到旺角文記小食吃我倆認為全香港最好味的生菜魚肉湯，於是便即刻走到太子文記去回味一番嚕！車爸爸喜歡吃碗仔翅＄17就給他來一碗吧！碗仔翅味道是不錯的可惜埋獻太過重手，吃下去有點糊糊的口感不是我杯茶呢！可幸的是生菜魚肉＄26(大)口感和味道依舊吸引，魚肉帶有魚香之餘更是入口彈牙兼且沒腥味，而那湯頭大家也知道是味精湯吧哈哈！原來我倆已很久沒有出來拍拖了當然要影張合照留為紀念吧！更開心的是星期六車爸爸放假啊！我們原本安排了的些節目可惜因為天雨的關係未能成行，不打緊我倆最後亦吃喝玩樂了一整天，待明天再跟大家開心分享行程啦！

文記(旺角)賣相:B+味道:A-份量:A-服務:B環境:C-衛生:C價格:B+WIFI:没有冷氣:C簡評:首先利申一下,由於呢間食店喺我工作地點附近,所要經常食,不過我都會持平去食呢份食評,呢間舖頭原本係家族生意,不過半年前做租左比其他人做,剩係你眼睇呢個舖頭仔已經值1億，題外話講完就入正題文記個位置就喺正賓館大厦，食客除左國內遊客外,附近既街坊同工作人士都係客源之一,至於食物方面,早中午都有多項選擇,小食有燒賣,腸粉, 煎釀三寶,三文治,碗仔翅,要飽肚炒粉麵飯.....味道方面我都覺得算不差,我自己就比較簡單,小食偏向食燒賣腸粉三文治,飯就餐蛋飯,飯軟熟適中,午餐肉夠厚,$37,飲品唔記得加幾$,在旺角區相對性價高,我個人覺得幾好,至於環境衛生方面,你一眼都可以望晒,可能差些許吧......

今日同女朋友一週年，稔住放工之後係朗豪坊附近搵啲新野食，上網見到依間野幾特別，一個禮拜前打電話黎訂位，好好享受倆小口既寧靜。地道風味，回歸平淡，懷舊小吃，一試愛上 。真心推介： 滋味叉燒，濃郁煎蛋，粉嫩菜心，環保公仔麵，陳年辣椒油，讓人一再回味。不能只有我吃到。

話說我今日打去叫外賣，同我講唔知個地址係邊，我一星期叫幾次外賣，真係火都黎丫。不知所謂，個女人我唔知叫唔名，嘢食已經唔係好好食，服務態度係十級差！呢間野真係唔會再食，野食又污糟，

今日行開太子始創中心，過咗條隧道，發現依間叫文記的小食店，坐滿約8成客人，但坐位不多，约有二十多個位，都算幾好生意，以前有買煎镶三寶，但現在沒有得食了，現在只有陳皮魚蛋，魚肉翅和車仔麵。叫咗一串，魚蛋味道一般。味道好淡，還叫咗一碗兩溝(魚肉加魚翅)，熱熱地，味道好好食，好有水準，魚肉好新鲜，魚翅也很好味，但份量，我個人認為份量少咗些。價錢也很大眾化。我個人認為這店還是可以接受的，食物質素也很好，我個人會再來光顧。物超所值。

#double_港式 #double_旺角.【#🍋👧🏻 獨食系列之 旺角】－－－－－－－－－－生菜魚肉碗仔翅 俗稱『兩溝』呢間食店長期多人 但位置隱蔽 俾個提示你地 系📮旺角郵政局附近 想食好嘢當然要自己努力發掘下🙊.魚肉好夠魚味 🐠翅材料簡單 只有瘦肉粉絲🥗但勝在簡單 深得👧🏻心 呢度嘅叉燒煎蛋🍳餐肉飯🍚都好好好食架 不過環境就有啲up dup🤣要睇你地嘅接受程度啦☺️💸$16

見煎釀三寶 ok, 今晚試下個碗仔翅，真係好唔掂，成碗都係粉漿，夠結但冇料，好失望，未食過碗甘差嘅碗仔翅。唔平，要成14蚊碗。Tried the deep fried snack. It was ok and only sold at $12 per 5. But don't recommend the fake fish fin soup, not much ingredients, only mixed MSG with corn flour and little meat slice... not cheap $14 per bowl... never try again

所謂飢不擇食，餓起上來有咩就食咩ga la。入到去叫左個牛腩菜面，唔使3分鐘就來到。雖然唔係好大碗，但見到好足料，d菜鮮得來唔會太稔，d面好稔身易入口之餘，仲索晒d腩汁入去，唔落味精既鮮味，真係食極唔厭。牛腩慢火細燘，每一串肉稔得來好有肉味。成碗面湯菜面肉完美配合成為一體，好舒服！店員好親切，價錢又平，好有舊時香港既平實感。

師傅好多時都係一個人食飯, 而一個人食飯時車仔麵永遠都係被師傅優先選擇, 無他嘅, 貪佢又平又正又快, 加上內臟仍係師傅嘅至愛, 唔食都好似對唔住自己; 剛剛的星期六師傅又一兜出左去太子, 目的都係想搵個地方食下野, 而地點就揀左呢間食店!仍記得大約半年多前, 師傅黎過一次, 對呢間食店都有甚高評價, 是次再黎仍然抱有一定期望; 入到食店即刻行埋去揀野食, 是次師傅先柯打兩個幼麵餅, 而餸就揀左牛丸, 豬皮, 豬紅, 牛肚同豬腸, 配上少少辣汁, 五餸兩麵作為當天嘅午餐! 呢間食店真係有招呼架, 皆因由落單到送到枱上, 全程都有人服侍, 呢個位師傅就最鍾意!坐底後師傅立即開餐, 首先當然係試下個湯底啦, 湯底有濃濃的柱侯味, 味道香而吸引, 最重要係師傅唔多覺有味精, 湯底嘅水準著實不錯; 於是再試下牛丸, 牛丸一份有三粒, 一咬下下發覺牛丸係非常之爽, 而肉質鬆軟, 稍為可惜係唔夠香, 冇咩牛味, 如果牛丸再香少少必定更加好味, 但咁嘅水準亦算不俗; 至於豬皮都幾爽口, 絕對唔會半腍半硬, 冇唔湯唔水嘅感覺, 加上炆得夠入味又有咬口, 不錯!再講就係豬紅, 豬紅水準都幾參差, 有些又

早幾日師傅一兜友冇咩野做出左去太子, 遇啱放飯時間又加上鬼死咁肚餓, 於是就諗下有咩好食啦; 師傅忽然靈機一觸醒起呢間食店, 皆因每次行經都不其然會有衝動入去食一餐, 但礙於唔係太多人就係師傅唔肚餓; 有見及此, 機會難逢, 立即飛奔而去!入到食店冇咩人, 師傅第一時間埋去睇下有咩食, 順便望下個賣相得唔得; 最後諗左一陣師傅決定簡簡單單, 於是就柯打左米粉, 豬皮, 豬紅, 牛肚同豬腸, 再順便加少少辣汁! 比完錢就準備攞埋位啦, 唔知係師傅靚仔定一向都有招呼呢, 個阿姐竟然幫師傅捧去個位度, 嗰一下真係有少少感動!坐底後, 師傅第一時間當然係試下個湯底, 湯底嘅柱侯味幾濃, 不過都幾好味, 而且唔多覺有味精添, 第一口嘅印象已經甚佳; 再試下豬皮, 豬皮尚算爽口, 唔會有韌嘅感覺, 而且夠入味, 口感一流, 得喎; 再試豬紅, 豬紅就碎左少少, 而且唔夠滑身, 幸好都入味, 坦白講真係冇邊幾得間有“明記”啲豬紅咁出位; 而牛肚係金錢肚, 個賣相靚過普通牛肚, 而且炆得夠腍夠入味, 師傅好耐冇食過咁正嘅牛肚, 十分好味; 最後係豬腸, 豬腸唔會太肥, 加上炆得夠腍夠入味, 唔會韌到咬

夜晚的旺角, 要用心地找地方, 宵夜, 其實不太難. 是日就係火車站落車, 再沿弼街直落行去彌敦道, 過了隧道, 一上返地面, 就是這間係某舊商場門口的宵夜菜檔仔. 商場內外, 甚至街邊. 都擺滿哂檯. 而且外賣剪幾條腸粉, 賣魚蛋燒賣夜粥既人, 同樣不絕. 感覺上, 旺角一帶, 幾夜都好, 都做到生意.陳真係唔駛食夜粥既, 所以是晚, 照舊, 炒麵一客, 而呢個係牛肉炒麵. 而且是即叫即炒. 地方, 坐得都不錯, 雖然是街邊, 但起瑪真係有間鋪, 可以坐入去, 唔駛同沙塵搏鬥.即炒炒麵, 鑊氣不錯, 豉油王炒麵既質素, 再加上牛肉, 看落不錯. 總算是即刻炒一不是那些炒完幾十世, 擺係焗鑪焗幾十1世既所謂炒麵. 麵質方面, 因為是即炒既關係, 所以依然爽爽的, 但, 牛肉好似醃得唔夠, 牛肉係冇味既. 人不絕, 而且快手快腳, 甚受一些在旺角返夜工既人士歡迎.