手拉麵小廚

营业中

休息中

呢间舖头嘅小笼包你一定要试，因为我够胆讲，冇一间舖头嘅小笼包入边可以有咁多汤，啲汤多到我以为自己食紧灌汤饺。而且小笼包嘅皮够厚，汤够多。所以行过路过，都记得唔好错过佢个小笼包。之后仲食咗佢嘅回锅肉炒年糕，呢度嘅年糕有啲特别佢唔系一片片嘅年糕，而系一条条嘅年糕，令到口感味觉更加丰富。再加上佢回锅肉嘅辣汁充满浓厚嘅猪肉味，就好似猪肉同年糕嘅味道互相混合，系一碟充满猪肉味嘅回锅肉炒年糕。最后要讲嘅梗系压轴出场嘅担担面，呢一碗担担面绝对冇偷工减料，充满浓厚嘅花生味，仲有充满猪肉香味嘅肉碎，加埋手打拉面，简直无懈可击。绝对令人值得一试再试。