金酒屋

营业中

休息中

金龙珠海胆吞拿鱼蓉卷($158)，馅料十足，好多滑溜溜既海胆，加上大大粒渍物蛋黄，黏黏既口感，两者互相辉映。金糖盒海胆三文鱼籽日式豆腐($158)，由棉花糖、威化饼、豆腐、三文鱼籽、海胆、鱼子酱组成，一口咬落食到晒所有材料，口感层次丰富，海胆好鲜甜。 恋丼月见特厚烧牛舌三文鱼籽($238)，超大块既牛舌，而且仲系厚身，师傅已经将牛舌𠝹花再烧，里面容易熟又美观，口感烟烟韧韧又带有少少爽口，月见即系蛋黄，将佢笃穿蛋黄汁渗入饭粒，搅拌黎食好香好滑。严选松板猪($58)、安格斯牛肋肉($58)、厚烧牛舌心($58)、自家制鸡皮卷($58)，鸡皮虾面层烧至脆口，内里虾肉弹牙，牛肋肉和牛舌都好有咬口。鹿儿岛A4和牛($188)，油脂分布均匀冇筋位，口感软腍，牛味重。兵库县生蚝锅($680)，目测有15只生蚝，每只都好肥大饱满，煮熟左size亦唔会缩得好细，食落保持到鲜味，店家还提供左海盐，但我觉得原汁原味最好，食左咁多重味道食物，最后食返个疏菜，解一解油腻感，用腐皮做福袋好精致，里面系年糕。白桃乳酸梳打($38)、柚子乳酸梳打($38)，清爽冰凉，果味重，甜度适中，唔会得个甜字。