太元樓

营业中

休息中

行开北角，突然之间见到哩间新开嘅上海铺，因为招牌好光所以吸引去试下。环境简单光鲜，menu好似平时饮茶d剔剔纸，好清楚。新开试食佢嘅乳鸽，真系新鲜炸，好多汁！小笼包皮薄，一口一只，热辣辣都唔错。最最最好食嘅就系红枣心太软！佢用左桂花蜜糖，淋上红枣糯米，又甜又香又热，个蜜糖汁好味到我地再叫左馒头，再舔蜜糖食，真系超级好味！🤤 钟意食甜品嘅我地一款甜品系唔够架！再加碗酒酿丸子，暖笠笠，细细碗啱啱好。虽然座落系住宅区，但系都吸引到好多街坊，价钱唔算贵，可以一家大细落楼试饭。唔错唔错，下次再黎试其他嘢食！