日月堂

营业中

休息中

继续系观塘返工作坊揾食，今次同学仔就带左我再走入啲，食台湾风味嘅好东西。餐厅布置都充满台湾气息，水泥墙、木制枱凳，再加埋墙上嘅木牌布置，好令人有人置台湾感觉。大热天就当然先嚟两杯解渴冻饮，我嘅凤梨红茶同埋同学仔嘅黑糖珍珠鲜奶，两杯味道都唔错，最重要系佢一啲都唔甜，所以密密饮多啲都冇咁邪恶。同学仔嘅红烧牛肉面，牛肉都好厚而且炆得好腍又够入味，而且面条够弹牙口感唔错。我嘅传统猪脚便当，猪脚肉质嫩滑入味，而且又多肉，再配埋份量都唔少卤肉饭，真系好味又抵食。另外再加左两份即叫即炸嘅小食，台式盐酥酥炸鱿鱼，佢个炸粉又薄又脆，而且鱿鱼口感弹牙，绝对系忍唔到口要食完一条再一条。炸到金黄色嘅梅子地瓜条，每条都炸到脆卜卜，加埋有甘梅粉一齐食，甜甜地好惹味。