賀喜 (美孚新邨) (已結業)

星期五晚Happy Friday，当然要食好野满足一下自己工作左一星期嘅辛劳！位于美孚嘅贺喜位于住宅区中，客人唔算多，想食日本野又唔想等位嘅黎就岩喇。北海道原条白象拔蚌刺身拼盘($198)，三文鱼同油甘鱼刺身非常厚切，甜虾好新鲜，凡立贝刺身都好鲜甜。东京筑地八本寿司拼加州卷($168)寿司比刺身更显师傅嘅水准同技术。海胆好肥美，鳗鱼寿司烧到个皮脆脆地好好味。其他寿司例如北寄贝、三文鱼腩、吞拿鱼同埋甜虾寿司都好有水准，好新鲜，味道唔错。厨师推介串烧杂锦($172) 呢度唔止刺身新鲜，串烧都好有水准。肉类能够保持肉汁，外皮香脆。蔬菜类例如冬菇同埋青椒都烧得啱啱好。各款串烧嘅咸度适中，而且识落唔会觉得热气或者油腻。甜品南瓜露作结。味道偏甜，南瓜味都几浓郁。