壹號餐廳

营业中

休息中

同朋友去屯门行街，去到屯门青善街4号康景花园地下12-24号，见到一间叫《壹号餐厅》的餐厅。餐牌好吸引，决定去试下。餐厅入面干净企理，空间好大，光线充足，座位亦好舒服。我地叫左2份午餐食，我要左杯冻柠茶，好友就饮芬达。XO酱猪扒炒公仔面份量好大碟，猪扒仲大过部iphone14😂，公仔面炒得刚刚好，唔会太谂，亦唔会太硬，色水好够，好入味，佢有啲辣椒一齐炒，所以有少少辣味，好开胃。叉烧滑蛋饭呢个个份量都好大，完全系蛋包饭咁的概念。甜甜地的叉烧配滑滑的鸡蛋，已经系完美的配搭，佢仲要用滑蛋包著饭，上面放满叉烧，再淋上叉烧汁，净系见到已经吸引！叉烧肥瘦适中，蛋汁流落白饭到，一只匙羹勺要全部放入口，好味到好似中华一番咁！第日又再黎食过。