如一

营业中

休息中

系香港始终不能取代的还是港式小炒，今次就试下朋友食过觉得唔错嘅私房菜～如一。店舖隐藏于旺中带点静嘅旺角波鞋街嘅大厦内！率先每人一碗杏汁花胶炖白肺汤 汤头饮落非常顺滑，杏汁浓郁，猪肺亦清得好干净，仲要每碗都有一块花胶够滋补。冰镇醉鲍鱼浸得惹味，鲍鱼厚肉弹牙！豉椒味菜鹅肠 豉椒汁很好下饭，鹅肠质地爽弹！干椒虎皮椒西芹炒牛肉小菜炒得几干身，唔会打酱茨几好，西芹虎皮椒都几丰富。牛肉唔会过度松肉几惹味，小辣！榄角酱烧排骨份量超多，猪肋骨炸得皮脆肉嫩，包左焦糖脆面正！如一小炒皇有大量鱿鱼干、虾干、蒜苗，而且大量炸蒜炒得够镬气，不过调味都真系几辣下，唔食得辣嘅人要慎选。每道菜式都几大碟，整体味道质素都唔错。