金華燒臘大王 (已結業)

朋友近来转工，大家都附近返，于是相约午一，由于唔想行得太远，所以揾依间比较就脚烧腊铺。今次系第一次帮衬，所以都系叫大路，我见佢声称叉烧驰名，而其他顾客唔少都系叫叉鹅饭，于是我同朋友都不约而同咁叫叉鹅饭，另外再加只咸蛋。朋友食得高级些少，叫一碟再加冻柠茶，我就一碗份量已经好足够。食未上先讲地方同服务，虽然间铺装修得几靓，但地方其实好浅窄，无怪乎成日都排长龙。开头我坐路口位，人行出行入都撞到，所以一等到卡位有人走我即刻转位坐，但因为咁所以单好似又乱，所以虽然同样叫叉鹅饭，两份竟然差一大段时间先到。提到食物，叉烧好瘦，而且个汁太稀，所以口感麻麻，唔好夸口话驰名，即使同大集团烧腊比都仲有一段距离。烧鹅则较为理想，虽然肥瘦度唔算太平均，但整体讲都唔错。至于只咸蛋又系水准之下，不但冇出油，而且已经有哑色，仲要另外收钱真系有揾笨。总括讲，以佢收费服务同品质，在在都难以同大型中式快餐店匹敌。