大快活

营业中

休息中

虽然大家乐同大快活卖嘅嘢差唔多，而且创办人仲要系两兄弟，但我一直都觉得后者及不上前者。大快活无论喺食物质素、价钱到选择都比大家乐逊色，往往都系照抄大家乐嘅策略，所以始终都只系做阿二。今次九点后去帮衬买外卖，收银话已经无烧味卖，再睇餐牌都只系得好少嘢拣，同一样嘅嘢用唔同汁与及唔同整法就当系唔同选择，实在系有啲鱼目混珠。最后叫咗个粟米班块，虽然系跟汤跟茶，但价钱都唔平，而味道又唔算特别好。虽然大家乐近来嘅质素下降，但大快活都不见得可以迎头赶上，单系广告已经差人一截。人家有俊男美女宣传，佢哋就揾个杜生嚟，净系形象都输晒。