影片
更多
2022-11-10
1179 浏览
大班楼，亚洲头十嘅餐厅，系将普通食材升华、然后将味道发挥到极致嘅典范。自从米芝莲摘星之后更加一位难求，真系托朋友嘅鸿福先至食到。价钱合理，一千元一位的收费比很多有姿势冇实际的fine dining 来的令人心服口服。等位等半年（有得等已经好好彩）先食到嘅一餐饭，将大家嘅期望拉到好高好高，所幸系唔会令人失望。甚至有好多将近失传嘅功夫粤菜仲可以喺度食到，实在不可多得。听讲大班楼依家转咗做omakase制，冇得自己拣食咩，不过都分享吓有啲咩值得一试嘅菜式。先有金钱蟹盒（终于试到呢道手工名菜），以猪网油包裹嘅蟹盒松化酥脆。然后有鱼米粥虾籽琵琶虾，听讲粥水以人手用布过滤数次，先至有咁顺滑无渣、但系有好香米味嘅粥水，琵琶虾虾肉亦十分嫩滑。嚟到大班楼，点可以唔试佢哋最出名嘅鸡油花雕蒸花蟹配陈村粉，不过我觉得大班楼嘅呢道菜整体而言味道较淡，所选嘅陈村粉较厚身，所以索汁同口感嘅争小小，不过都出色嘅。三虾炒饭（鲜虾、虾干、虾膏）饭粒够干身，整体够鲜味，呢个保持到一贯水准！其余有啲朋友赞不绝口嘅菜式，我觉得都OK的，如此用心费神去做呢啲买少见少嘅怀旧手工菜当然值得尊敬，味道于我而言又未至于要摆上神台，如炸粽
大班楼，亚洲头十嘅餐厅，系将普通食材升华、然后将味道发挥到极致嘅典范。自从米芝莲摘星之后更加一位难求，真系托朋友嘅鸿福先至食到。价钱合理，一千元一位的收费比很多有姿势冇实际的fine dining 来的令人心服口服。等位等半年（有得等已经好好彩）先食到嘅一餐饭，将大家嘅期望拉到好高好高，所幸系唔会令人失望。甚至有好多将近失传嘅功夫粤菜仲可以喺度食到，实在不可多得。
听讲大班楼依家转咗做omakase制，冇得自己拣食咩，不过都分享吓有啲咩值得一试嘅菜式。
先有金钱蟹盒（终于试到呢道手工名菜），以猪网油包裹嘅蟹盒松化酥脆。
金钱蟹盒
47 浏览
0 赞好
0 留言
然后有鱼米粥虾籽琵琶虾，听讲粥水以人手用布过滤数次，先至有咁顺滑无渣、但系有好香米味嘅粥水，琵琶虾虾肉亦十分嫩滑。
鱼米粥虾籽琵琶虾
42 浏览
0 赞好
0 留言
嚟到大班楼，点可以唔试佢哋最出名嘅鸡油花雕蒸花蟹配陈村粉，不过我觉得大班楼嘅呢道菜整体而言味道较淡，所选嘅陈村粉较厚身，所以索汁同口感嘅争小小，不过都出色嘅。
三虾炒饭（鲜虾、虾干、虾膏）饭粒够干身，整体够鲜味，呢个保持到一贯水准！
其余有啲朋友赞不绝口嘅菜式，我觉得都OK的，如此用心费神去做呢啲买少见少嘅怀旧手工菜当然值得尊敬，味道于我而言又未至于要摆上神台，如炸粽、臭豆腐等。总括而言，book到台嘅，有何不可？
张贴
