影片
更多
2020-11-04
283 浏览
朋友话想食点心，好唔容易揾到间系同路人。虽然入到去令到我有d怀疑人生，播埋d陆味浓电音歌，入面又多年纪比较大嘅人，最后find out 到佢地系隔离间黄到金茶餐厅旗下嘅，就冇左份担心。但如果系对家黎嘅，赚埋佢地d钱咪仲开心🤣 no bias no bias 沙嗲金钱肚个汁几好，浓度适中够入味，但牛肚偏淋。鲜虾烧卖皇好大粒，仲有4粒咁多，好多茶楼叫烧卖皇特点，仲要得两三粒🤣。都重虾味，肉质都弹牙嘅，唔错。黑椒蒸大肠呢个真心正，大大旧，又几多，洗得干净系重点，黑椒够入味，大肠冇霉又唔会太淋。北菇棉花鸡大个左已经好少叫，系朋友拣嘅，食左旧鱼肚，我觉得太淋，d鸡大大旧够滑，算系咁。黑金奶皇流沙包外貌协会嘅我觉得佢唔够靓仔，d金色得一点点唔太eye catching, d流沙够流质，奶皇味都够，但略赚包太厚，流沙偏少。红枣糕唉，呢个就失望喇，我好钟意食红枣糕架，见亲都点咁滞，呢到𠮶d够弹够Q, 但略嫌太黏，仲要近乎冇红枣味咁滞，伤心。脆皮虾肠粉sorry太饿唔记得影，觉得麻麻地，肠粉皮厚，入面又炸得唔够脆，虾肉偏咸，唔推。 整体黎讲点心份量都几老实，午市时间廿几蚊起一笼点心，价钱算合理，茶位好平
虽然入到去令到我有d怀疑人生，播埋d陆味浓电音歌，入面又多年纪比较大嘅人，最后find out 到佢地系隔离间黄到金茶餐厅旗下嘅，就冇左份担心。但如果系对家黎嘅，赚埋佢地d钱咪仲开心🤣 no bias no bias
沙嗲金钱肚
个汁几好，浓度适中够入味，但牛肚偏淋。
鲜虾烧卖皇
好大粒，仲有4粒咁多，好多茶楼叫烧卖皇特点，仲要得两三粒🤣。都重虾味，肉质都弹牙嘅，唔错。
黑椒蒸大肠
呢个真心正，大大旧，又几多，洗得干净系重点，黑椒够入味，大肠冇霉又唔会太淋。
北菇棉花鸡
大个左已经好少叫，系朋友拣嘅，食左旧鱼肚，我觉得太淋，d鸡大大旧够滑，算系咁。
黑金奶皇流沙包
外貌协会嘅我觉得佢唔够靓仔，d金色得一点点唔太eye catching, d流沙够流质，奶皇味都够，但略赚包太厚，流沙偏少。
红枣糕
唉，呢个就失望喇，我好钟意食红枣糕架，见亲都点咁滞，呢到𠮶d够弹够Q, 但略嫌太黏，仲要近乎冇红枣味咁滞，伤心。
脆皮虾肠粉
sorry太饿唔记得影，觉得麻麻地，肠粉皮厚，入面又炸得唔够脆，虾肉偏咸，唔推。
整体黎讲点心份量都几老实，午市时间廿几蚊起一笼点心，价钱算合理，茶位好平。但某d点心都有好大进步空间，希望佢地会改善啦。
张贴
