小胖台灣麵

营业中

休息中

今日又做孤独的美食家，放饭又系元朗揾下新野食，今日行到黎千色附近见到呢间新开无耐既小胖台湾面，听过话d质素唔错，系门口睇下d价钱又唔算好贵就试试啦。入去坐底见到餐厅面积都几大，坐位都几舒服，睇下餐牌主打都系台湾牛肉面，仲有d自选配料好似食车仔面咁拣汤底拣𩠌，饮品方面有台式手摇饮品选择，跟餐加钱就可以了，落单系用QR code落，唔识用可以剔点心纸。半筋半肉红烧牛肉面碗面都算几大碗，牛展系切成一条条，煮得都好腍，腍得黎唔会烂，另外仲有几旧仔牛筋，配菜有红萝卜白萝卜煮得都几入味，汤底黎讲都好甜，不过多多少少有味精，面系粗身既台湾面，质感有d似手打乌冬，都算爽口弹牙。甘梅脆地瓜为左试多样野就加多款小食，追加小食都系加十几蚊，呢份炸蕃薯黎到热辣辣，新鲜炸起，蕃薯本身都好甜，表层再加左d梅粉增加风味，呢个几推荐。冬瓜茶饮品拣冬瓜茶唔洗加价，冻热都得，不过几甜下，怕甜要叫少甜。整体黎讲今日食呢餐好满意，平时食到既台湾餐厅好多都贵又唔好食，今次呢间可以推荐下，一边食一边都听到旁边食客系度赞，证明都好多棒场客。