影片
更多
2009-12-28
249 浏览
今晚的生日饭，蜜糖儿一个月前已经同我讨论打算去边度吃，有几个选择，最后决定去试位于尖东帝苑酒店嘅意大利餐厅 - Sabatini，名就听得多，甚么最佳食肆之类，呢间餐厅总店在意大利罗马，由Sabatini兄弟创立，计埋香港呢间，全球有三间。平时去同层隔离嘅 coffee shop食buffet就试得多，今晚终于可以一尝所愿。门口不显眼，入去先是有两位receptionists再加一位西人迎接，经过一个lounge，之后系一个高了两级嘅地枱，上面摆放咗好多意粉，有埋价钱，有兴趣嘅可以买埋返屋企，再入就系一张长枱，摆满了各式意大利头盘小吃，旁边有几张细枱，最后就系用餐大厅，虽然多数都系细方枱，但系中间有一张大圆枱，可以供6人坐仍然非常宽敞。布置非常有意大利乡村味道，地面是舖上阶砖，楼底矮矮的。而且我地张枱侧边放有一张流动细枱，见侍应会用来上菜前分配食物之用。埋位之后，餐巾摆放好，水杯放好，经理已经立即送上今晚嘅menu，除主餐牌外，仲有一张佢地现时做紧嘅季节推介，白松露做嘅菜式。经理介绍咗佢地好多客人会试嘅几道菜，同埋佢地厨师嘅特别推介，重点系介绍每日晏昼空运到港嘅龙虾做嘅Risotto
门口不显眼，入去先是有两位receptionists再加一位西人迎接，经过一个lounge，之后系一个高了两级嘅地枱，上面摆放咗好多意粉，有埋价钱，有兴趣嘅可以买埋返屋企，再入就系一张长枱，摆满了各式意大利头盘小吃，旁边有几张细枱，最后就系用餐大厅，虽然多数都系细方枱，但系中间有一张大圆枱，可以供6人坐仍然非常宽敞。布置非常有意大利乡村味道，地面是舖上阶砖，楼底矮矮的。而且我地张枱侧边放有一张流动细枱，见侍应会用来上菜前分配食物之用。
埋位之后，餐巾摆放好，水杯放好，经理已经立即送上今晚嘅menu，除主餐牌外，仲有一张佢地现时做紧嘅季节推介，白松露做嘅菜式。经理介绍咗佢地好多客人会试嘅几道菜，同埋佢地厨师嘅特别推介，重点系介绍每日晏昼空运到港嘅龙虾做嘅Risotto (menu上系用market price)，有两款选择，细size嘅 Boston 龙虾 (~$5XX)，大size嘅Australian 龙虾 (~9XX)，每晚每款各三只，即只可以供应六碟，亦因为我地七点几就到，时间尚早，可以多啲选择，而且讲到明当晚卖唔出，系唔会留至第二日用，保证新鲜非常。
未落单前，我地谂住叫酒饮，于是乎就谂住叫个drink list睇，点知真系孤漏寡闻，佢地嘅drink list只有果汁、烈酒、cocktail、咖啡之类，而红、白酒系分开喺另一本menu，wine list入面就再有分appetizer wine, sparking wine, white wine, red wine. 红、白酒大约由最平嘅$4xx，贵至~$6xxxx几蚊一支都有供应，真系要几豪有几豪，大部份就系四位数，大约$1000-3000支酒，menu除咗有一个总表列出所有酒之外，每一页仲有每一只酒嘅详细资料，就算连佢出产地嘅地图都比埋你睇，厚到成本电话薄咁。
讲返主餐牌，入面大致分开几大类，头盘、汤、意粉 (茄汁 & 白汁)、意大利饭、烧烤嘅肉类主菜。去到意大利餐厅，当系要试佢地嘅意粉同Risotto。我地今晚叫咗一支酒、一个头盘、一碟意粉、一碟Risotto，最后一个甜品。
1. Assorted Bread - 意大利餐厅嘅指定动作，先送上一蓝面包。有四种款式，香草软包嘅外层几多油，但系亦因为咁而令到面包特别香 ; 薄脆做得非常出色，外面有著饼干嘅脆，咬落去仍有面包嘅软，不会过硬 ; 意式面包亦做得比一般出面街嘅湿润，不致于像欧洲面包般干 ; Grissini 面包条就普通咗啲。酱料有几香豆茸酱、几酸但充满茄香嘅干蕃茄酱、香草酱就不过不失 ; 虽然牛油系用Margarine，没有动物嘅油脂，但总算系淡得嚟香的货式，比较健康之选 ; 意大利黑醋及橄榄油未算系一试难忘。
2. Maculan Breganze 2006 $530 - 这支白酒虽然已经算系属于wine list入面较平嘅选择，但酒店始终系酒店，经过拣选而摆得入menu嘅，通常都可以放心佢嘅质素。我地本来因为之前几日饮过意大利出产嘅白酒，今晚想转返饮法国出产嘅，但原来发觉menu入面全是意大利出品，别无他选，下次再来时呢一点需要注意。
3. ANTIPASTO DELLA CASA ALLA ROMANA / The Roman antipasto table $258 - 之前经理都有介绍，就系用一只碟喺出面嘅appetizer table度攞一次，可以任攞，选择非常之多。佢地亦提供一个选择，可以由佢帮你攞，会每样攞少少比你试，不过我地选择自己操刀。Salami香味十足，仲有另一款cold cut都系 ; Parma ham with melon 水准之作，Parma Ham香气扑鼻，melon又大又甜 ; mushroom用油浸过，又滑又香 ; 冻虾和带子属上乘兼超新鲜货式，又爽又鲜甜 ; 三文鱼同茄子不过不失 ; 最后嘅意大利蛋批做得出传统风味。其实仲有好几款菜式，但不是我地嘅favourite，所以冇试到。
4. LINGUINE ALLA SABATINI Linguine with scampi, clams and mussels, a Sabatini original $348 - 餐牌里的意粉亦分开蕃茄酱和忌廉汁两大组合，入座时经理向我们特地推介呢款菜式，写住属于餐厅传统菜式，既然讲到咁出名，一定要试埋啦。份量不特别多，只是一份成年人主菜份量，侍应上枱后慢慢细心地帮我们分成两份，配料海鲜亦均匀地分配，每人都有大大只肉质爽嫰大虾(scampi)，而唔系用小虾 (shrimp)，还有蚬用及青口 ; 意粉弹口，软硬适中，有少少烟韧感觉，拣选扁面亦粗幼适中，不会导致沾上太多或太少汁 ; 茄汁虽不致于非常仲蕃茄味，但就适可而止，甜酸程度不会抢夺海鲜嘅味道，属酒店级应有的高水平。
5. ASTICE O ARAGOSTA ALLA SABATINI Oven baked lobster, an original dish created by Francesco Sabatini (Boston lobster market price ~$5xx & Australian lobster market price ~$9xx) - 我地最终叫咗细size嘅Boston龙虾 $538，虽然经理推荐我地食大size嘅Australian龙虾，佢觉得不单止份量可足够两个人食，而且亦因为龙虾壳大啲，将饭酿入去嘅空间亦都多啲，但我地就想试多啲其他菜式。上枱系用一只小铁镬盛载著，底层舖满饭，上面有大大只嘅 Boston 龙虾，虾身已经分开两边了，两只大虾钳亦分成四份，一上枱未食都都经香气扑鼻，侍应随即为我们分成两碟。我们每人一碟可以将虾身分食两大旧肉，再加埋每一只虾钳两件肉，其实一只分量足够我地两个享用了。
龙虾肉非常容易离壳，新鲜非常，又厚肉且香甜无比，大啖大啖的咬著，能享受如此豪吃的感觉，简直系人生一大乐事，我永远不会忘记此刻蜜糖儿为我找来的这一种味之感觉 ; 所有虾肉同饭嘅表面都被浓浓的龙虾汁包围著，配合埋意大利饭，可以在不影响龙虾肉口感之下，同时享受两种口感，我们都认为厨子选择正确，因为餐厅亦提供意粉选择，但始终Sabatini原意系用饭，果然系有佢嘅道理。最后要提到虾头入面嘅虾膏，可以用泛滥来形容，多都不得了，全部系软膏，再一次只能说"香甜无比"。
东方嘅中国我认为上汤焗龙虾配伊面底故然可以话系将龙虾鲜味发辉到淋漓尽致，但西方嘅呢一道龙虾Risotto，亦都有著另一种层次。
6. Tiramisu - 饭后侍应没有为我们端上甜品餐牌，反而是推来一架载满甜品的餐车，上面有著很多款精美甜点，但唯独是不见了Tiramisu，我们只好询问是否今晚没有供应，原来只不过系冇放上餐车。侍应为我们逐一介绍每款糕点，非常详细。
全晚都有一队live band驻场，初时佢地在场中间献唱，之后佢会逐一去到每枱宾客面前高歌，应该系佢地预先较好时间，等到我地食甜品之时，佢地专登移步到我俩面前唱生日歌，虽然佢地四个系南亚裔人士，但系佢地唱完英文生日歌，仲可以即刻转channel，整返首中文版生日歌添，最后我仲即时点咗一首 "I Just Called to Say I Love You"，我当然仲惊佢唔识唱添，但未唱之前，女主唱仲可以同我讲笑一番，佢地简直系又唱得talk得，非常鬼马，又懂搞气氛。
蜜糖儿预先在订枱时已经说明今日有人生日，餐厅亦为我地准备好一件蛋糕，但因为我地叫咗甜品，所以他们就索性将蜡烛放上Tiramisu。酒嘅份量控制得恰到好处，唔会因太多而导致太湿太重酒味，亦唔会因太少而干，做得颇挺身。意大利甜品又点可以少得Tiramisu，虽然只是一件少少的蛋糕但就可以试得出甜品师傅嘅功架，呢度嘅师傅绝对称职。
7. 朱古力及饼干 - 虽然我们已经没有肚可以品尝他们的咖啡，但仍然送上他们的朱古力及饼干，朱古力就腻，不过饼干好松脆，就咁品尝亦非常可口。
虽然系平日晚上，但仍然坐无虚席。全晚侍应虽不算是太醒目，但就非常热情，笑容满面，专业，服务可嘉。Sabatini 呢个名，果然名不虚存，佢地亦没有在全球大肆扩张，要保持高水准之作，实非易事，但我相信佢地绝对做得到，将高水平意大利菜原原本本地搬来香港，好使我可以尝到今晚一世难忘的生日饭。
Full photo blog @ http://hk.myblog.yahoo.com/mokharvey/article?new=1&mid=2483
张贴
