潮食地

营业中

休息中

因为工作关系去咗荔枝角，而且又到咗医肚时间，所以去咗【潮食地】叹一叹、食吓嘢，依度光线充足而且装修够新颖。我哋今次order咗一口牛铁板石烧套餐、瑞士汁鸡脾饭及公司三文治，仲有特饮雪糕红豆冰同埋阿华田雪山。一口牛系用顶级美国牛小排，肉质鲜嫰又牛味浓，放上铁板石烧烤煮份外吸引，仲有1只日式温泉蛋及紫菜饭，真系好好味。瑞士汁鸡脾饭嘅鸡脾好大只又入味，瑞士汁绝对系精髓，鲜甜惹味。公司三文治有好多配料，有芝士、火腿、蛋、午餐肉、蕃茄、生菜等等，每一啖都有吾同味觉，口感层次都有别，值得推介。特饮雪糕红豆冰同埋阿华田雪山就大小朋友都钟意，又系打卡之选。