影片
更多
2013-01-15
349 浏览
本人是位澳洲留学生，难得又辛苦过完一年返到香港放暑假第一时间就当然揸车四围揾d令人怀念嘅小食啦，中茶,煎酿三宝,鱼肉,碗仔翅,砵仔糕等，当然仲有至地道嘅车仔面啦！今日揸车系附近药房买嘢，咁啱停正系呢间铺门口，就谂起去读书之前去过青衣华记食过两次，超正，见佢个招牌系华记车仔面（青衣）心谂呢d真系缘份，咁都比我撞正，于是买完嘢之后就入左去坐底食返碗面回味一下。不过好奇怪呢间店铺无咩客人，本人初时都唔为意就坐左系卡位，之后店员问我食咩，我就即刻点左个「天使鸡翼」，店员话冇，跟住我就转点「魔鬼鸡翼」，点知都无，而且店员既态度仲唔系几好，只系答我冇，我反问佢仲有d咩招牌菜，佢就叫我自己睇餐牌！（其实系咪应该同客人讲一声唔好意思冇呢样食物然后再介绍下呢？）。于是我就随便点左碗牛腩面，跟住店员都话无只系话牛腩系小食$12一份，呢个时候我真系如莫名其妙，于是我就同店员讲睇下餐牌先。我拎起张点心纸剔左个$9伊面,$6鱼蛋,$6咖哩牛栢叶,$6萝卜,$12牛腩,$12炸鸡翼,$2再加咖哩汁。当我食嘅时候觉得d伊面淋到唔似伊面,鱼蛋好粉无鱼香味,咖哩牛栢䈎切到好幼，份量好小又老火，萝卜淋到一夹即断，仲要好咸
今日揸车系附近药房买嘢，咁啱停正系呢间铺门口，就谂起去读书之前去过青衣华记食过两次，超正，见佢个招牌系华记车仔面（青衣）心谂呢d真系缘份，咁都比我撞正，于是买完嘢之后就入左去坐底食返碗面回味一下。
不过好奇怪呢间店铺无咩客人，本人初时都唔为意就坐左系卡位，之后店员问我食咩，我就即刻点左个「天使鸡翼」，店员话冇，跟住我就转点「魔鬼鸡翼」，点知都无，而且店员既态度仲唔系几好，只系答我冇，我反问佢仲有d咩招牌菜，佢就叫我自己睇餐牌！（其实系咪应该同客人讲一声唔好意思冇呢样食物然后再介绍下呢？）。于是我就随便点左碗牛腩面，跟住店员都话无只系话牛腩系小食$12一份，呢个时候我真系如莫名其妙，于是我就同店员讲睇下餐牌先。我拎起张点心纸剔左个$9伊面,$6鱼蛋,$6咖哩牛栢叶,$6萝卜,$12牛腩,$12炸鸡翼,$2再加咖哩汁。
当我食嘅时候觉得d伊面淋到唔似伊面,鱼蛋好粉无鱼香味,咖哩牛栢䈎切到好幼，份量好小又老火，萝卜淋到一夹即断，仲要好咸，牛腩份量都尚算ok，可惜老抽味重过栓喉味，最严重既系d嘢唔热个心仲冻嘅，仲有个炸鸡翼过份多油（仲有三只鸡中翼连尖）唔够入味就随便加盐系上面，好肯定腌唔入味先至咁做，而个咖哩汁就只系得个差字，完全无咖哩香味。真系觉得好难食嘅一餐，店员对我嘅态度差，汤底就更差，甚么「大地鱼清汤」，唉，真系食唔出，可能厨师唔记得左落「大地鱼」吧！又好似加咗好多好多水咁，清啖无味，完全唔似汤底。
题外话/补充资料：
今次去完对呢间铺嘅（质素,店员态度,食物既价钱）就算半价我都唔会食多一次，如果各位想入去食之前真系要谂清楚！呢间店铺同青衣个间相比真系差好远！（无论系食物既质素,款色同店员既亲切道都差好远）唉！！！
(以上食记乃用户个人意见 , 并不代表OpenRice之观点。)
张贴