影片
更多
2013-06-16
113 浏览
15/6/20136月之星牛一~我地一班好粉丝紧系要好好庆祝一下~!! 志在见下相聚一下~期待已久既日子终于到LA!!去到呢间第一次黎既餐厅睇过几张点菜纸,菜式唔多,D名改得好平实,一D都唔花巧,可能正如网评所言: 重质不重量, 贵精不贵多LA我地先点左五六款沙律前菜,同一盘全刺身拼 样样都有,先试品质上枱了~五六款的沙律除左最上层的’主菜’有分别之外,下层均系用西式沙律菜,奇妙既地方系连个沙律汁都系一样味道..要留心食先分别到自己食紧边种~唔同既主菜分别有 刺身 海虾, 车厘茄 仲有粟米同 野菜 …芝士玉子 – 一夹就散,玉子明显唔系自家出品, 可借..寿司系列款式好多~不过我地只点左两三样精算~因为大家都唔系太想食’饭’幸好我地只系点了两款, 因为D寿司饭真系强差人意饭同肉的比列系 9:1 而且D饭太大了,食落好实同埋好似冇加醋,唔好食..刺身拼D颜色好暗,摆设得唔系咁吸引…可能佢地真系: 重质不重量, 唔会花时间去做D装饰摆设挂~份量尚算可以,刺身切得唔会太薄,只系食落质素好一般,有少少失望三文鱼系我地最期待的款式,但系我地一行5人一至认为一D三文鱼味都冇~带
15/6/2013
6月之星牛一~我地一班好粉丝紧系要好好庆祝一下~!! 志在见下相聚一下~
期待已久既日子终于到LA!!去到呢间第一次黎既餐厅
睇过几张点菜纸,菜式唔多,D名改得好平实,一D都唔花巧,
可能正如网评所言: 重质不重量, 贵精不贵多LA
我地先点左五六款沙律前菜,同一盘全刺身拼 样样都有,先试品质
上枱了~
五六款的沙律除左最上层的’主菜’有分别之外,下层均系用西式沙律菜,
奇妙既地方系连个沙律汁都系一样味道..要留心食先分别到自己食紧边种~
唔同既主菜分别有 刺身 海虾, 车厘茄 仲有粟米同 野菜 …
芝士玉子 – 一夹就散,玉子明显唔系自家出品, 可借..
寿司系列款式好多~不过我地只点左两三样精算~因为大家都唔系太想食’饭’
幸好我地只系点了两款, 因为D寿司饭真系强差人意
饭同肉的比列系 9:1 而且D饭太大了,食落好实同埋好似冇加醋,唔好食..
刺身拼
D颜色好暗,摆设得唔系咁吸引…可能佢地真系: 重质不重量, 唔会花时间去做D装饰摆设挂~
份量尚算可以,刺身切得唔会太薄,只系食落质素好一般,有少少失望
三文鱼系我地最期待的款式,但系我地一行5人一至认为一D三文鱼味都冇~
带子比较细粒,而且食落有少少腥,
剑鱼腩同鱿鱼感觉一般,唔算太出色,
成个刺身拼唔明白点解充满左清新的柠檬味~ 整到我地食唔到鱼肉的鲜味~
估唔到值得再点的系希灵鱼同饱片 V_V
另仲有鲭鱼同鲣鱼,可能系腌制过,有少少过咸..
熟食方面款式唔系太多,经过刺身的经验, 我地都好小心咁点菜, 先叫少少, 好食再点过…
吉列炸蚝 – 连埋炸粉的整体SIZE 比想像中细, 食入口好热好脆,但唔算炸得太过火,只系入面的蚝肉真系细得可怜
炸豆腐 – 我地一直以为系土佐豆腐, 点知原来真系’’纯正’’炸豆腐, 冇味冇惊喜
因为咁所以天妇罗系列我地全线冇点了
烧羊架 – 真系估佢唔到会起埋骨一粒粒咁上枱,唔食唔知佢系羊,
我谂佢个名可以改做一口羊粒会好一D,羊粒食落好有羊味,而且夹杂住D肥膏,超水准!!好味~~
烧一口牛 - 点左两次,第一次品质唔错, 唔会太熟而且有牛肉味, 但系第二次点已经唔同左,
细粒左同埋烧得耐左,鞋口同冇咩牛肉味~
海鲜粥….D粥煲得好棉好香蛋白味,粥面仲加左几条好香的紫菜…令人忘记佢其实系碗’ 海鲜粥’
串烧系列: 串烧有车厘茄,有冬菇,鸡软骨…烧得唔会太过干身太过火, 唔错!!
炸一口芝士..最估唔到佢系上枱时已经分开两边,令我地觉得失去左成粒咬开后拉出D芝士既快感~
甜品方面更系出奇,8款甜品,一半要炸一半冻上
炸过的甜品有 : 一口萍果批, 炸芝士条. 粟米甜心酥..
最顶稳系佢的’’纽约芝士蛋糕’’都拎去炸一炸, 原全估佢唔到~
更估唔到既系..佢地炸完并唔系热腾腾的上枱,入口系’’室温’’的,感觉好似炸好左放埋一边再等人拎咁
实在可能因为我地早去,所以师夫未有整野食的冲勋….
食左两轮,都已经冇咩意欲再添食,
枝豆系我地连点两次的’上菜’ 因为绝对唔会有难食的机会! 一边食枝豆一边倾计,一大乐事~
题外话/补充资料：
早两个月前已经留意到呢间新开的放题餐厅,D相好靓卖相好精致,所以好快决定一试
5月尾打电话订枱 BOOK 星期 6的中午放题时段
接电话的服务员话餐厅中午时间唔做放题，之后好快又话因为呢日系父亲节前后所以例外，
当日价钱一般系 $238+10%服务费,如要任食甜虾同油甘鱼就要每位加多$ 30
(吓~居然可以咁样~!居然有唔包甜虾的放题~~~??!!)
我就问佢既然系父亲节前后,咁会唔会有咩优惠,或有咩信用咭优惠,同埋我有朋友生日,会唔会有''惊喜''
佢就话暂时未有,(可能最大的优惠系中午做埋放题LA…) OKOK..
于是我地就 BOOK 左6位,佢话超过5位要先比$500订金, 我就话: OK会再打黎覆实
收线后我完全唔记得左订金呢回事,….一直冇交到
喺到左开饭前一日,我发觉有少少唔对路,点解好似冇电话打黎confirm booking~
于是就主动打电话去 …接电话𠮶个先好似如梦切醒,咁我问佢系咪会冇位,
今次接电话的人话: 吓..咁呀…我地会同你安排~OK冇问题的,明天见…
到左正日,我地几个分别去餐厅,门口位好似好窄,有部份餐枱放得太近门口,好迫咁
但转个弯之后会见到好高的楼底,成个感觉唔同晒~舒服D ,好有空间感,
可能系星期6 中午十二点的尖沙咀,时间尚早,未到食饭时间,所以我地系第一枱到的客人~!!
食到LAST order 全个场都只系得两枱客人…
除我地之外,另一枱系一位男士…佢一黎到就开左个’’工作坊’’做自己野..
我地就好似包场咁,所有的服务员就系只招待我地,令人意外!!
可能呢个就系意外惊喜LA 总括黎讲...都好难会有下次了..
(以上食记乃用户个人意见 , 并不代表OpenRice之观点。)
张贴
