影片
更多
2018-03-22
244 浏览
今晚Kiwi同友人系铜锣湾睇完戏先食晚饭，都已经系十点几嘅时候，于是就去戏院附近嘅登龙街觅食。大家都知登龙街有唔少嘅拉面店，而Kiwi因为豚王搬迁后都仲未食过就决定一试。店面同普通日本拉面店差唔多，但最特别嘅系可能配合樱花季节，天花四边多咗粉粉嘅樱花，好靓呀！拉面有5个汤底选择，亦配合唔同人嘅口味有酱油多少，叉烧肉种类，面嘅软硬度等选择，仲有厨师推荐嘅口味添！Kiwi叫嘅系豚王，属原味豚骨汤底，可以感受到豚肉嘅鲜味同甜味，浓得嚟又唔会觉得好油腻。叉烧肉就拣咗肩肉，腍得嚟又冇咁油腻。至于面底就拣咗太面(扁平面)，比较粗身食落满足感大增。友人拣嘅系黑王配合腩肉太面。乌卒卒嘅汤底就好似墨鱼汁咁好浓味，仲有好香嘅香味油，而腩肉就肥得嚟又唔会好滞，好有饱足感。整体而言，汤底好正，有5个汤底配合唔同人嘅需要。不过份量嚟讲如果女仔食会觉得刚好，男仔食就可能要加底啦~
店面同普通日本拉面店差唔多，但最特别嘅系可能配合樱花季节，天花四边多咗粉粉嘅樱花，好靓呀！
拉面有5个汤底选择，亦配合唔同人嘅口味有酱油多少，叉烧肉种类，面嘅软硬度等选择，仲有厨师推荐嘅口味添！
Kiwi叫嘅系豚王，属原味豚骨汤底，可以感受到豚肉嘅鲜味同甜味，浓得嚟又唔会觉得好油腻。叉烧肉就拣咗肩肉，腍得嚟又冇咁油腻。至于面底就拣咗太面(扁平面)，比较粗身食落满足感大增。
友人拣嘅系黑王配合腩肉太面。乌卒卒嘅汤底就好似墨鱼汁咁好浓味，仲有好香嘅香味油，而腩肉就肥得嚟又唔会好滞，好有饱足感。
整体而言，汤底好正，有5个汤底配合唔同人嘅需要。不过份量嚟讲如果女仔食会觉得刚好，男仔食就可能要加底啦~
张贴
