龍圖閣海鮮飯店

营业中

休息中

星期日朋友叙旧六位去用餐，冇边样嘢好食，最后仲要有小插曲。咸菜胡椒花甲好多沙，分量大概每人2-3只收$328，呢个价钱加咁既质素都几离谱。辣子鸡唔辣根本唔似辣子鸡味；咸鱼煎肉饼分量每人一小件，仲要明显食到啲肉唔新鲜；椒盐白饭鱼净系食到啲粉，食唔到条鱼。最后蒸糯米蟹，糯米饭还可以，蟹得个细细只， $768绝对唔值。埋单$3113 ，有人嚟碌卡果时明显饮醉，叫佢俾外卖盒都听唔到，收咗我张信用卡即刻跌落地下又唔知道。最后返嚟话我知碌唔到，要我俾第二张卡佢。后尾番查原来佢碌咗$31,130 ，过左信用额过唔到，再过第二次银行以为系可疑交易所以send左短讯要确认，全程呢位疑似老板娘冇讲过佢碌错咭。呢啲咁既餐厅可以执咗佢。