扒王之王 (已結業)

我o系沥源返工, 中午同同事出街食, 要同附近既学生争地方食饭, 有时真系边度有位就要食边度. 就系咁有一日我地要帮衬呢间扒王, 印象奇差!中午时间, 有好多学生帮衬呢间扒王. 所以成日都满晒座. 但系d 职员做野既流程好有问题, 系就系好多职员行来行去, 但系根本唔知佢地忙紧乜. 好多人举手落单无人理, 食完好耐都唔上餐饮, 埋单走人之后又无人执台, 令到出面等紧既客人迟迟未能入座.食物方面, 其实我对佢都无乜期望. 但求质饱就返去开工... 但系食品的质素真系唔系好得啰... 蒜蓉汁就系一般茶餐厅o个只橙色的汁液都唔在讲啦, 更加系好似一比九十九稀释咁, 一d 味都无. 至于黑椒汁就更加唔驶讲啦. 正常的黑椒汁应该系啡色, 但系佢地既"秘制"黑椒汁系淡色到好似一比九十九蒜蓉汁咁既色水之外, 更加只系得几粒咁大把既黑椒, 差d以为黎错左...餐茶无论叫柠水柠茶定奶茶, 都有一阵怪味. 而亦都唔只一次叫一杯餐饮, 卒之系只系黎左半杯... 同waiter 讲返都只系作个状同你加少少水落去... 冻饮更家唔掂, 可能系d 职员都知呢度既餐饮有怪味, 冻饮系狂落糖胶落去, 尝试去盖过阵味!