影片
更多
2023-03-05
332 浏览
睇呢个app咁多年，第一次写食评，一家人夜晚去食饭，食六点半，竟然叫炒蚬冇炒蚬，叫九肚鱼冇九肚鱼，叫胜瓜冇胜瓜，话胜瓜冇入货，但食食下隔离枱叫九吐鱼个侍应竟然话有，都唔紧要反正都叫咗嘢食。个咕噜鸡球粉多过肉，滑蛋虾仁的虾乸到透晒明，水煮牛应该要有嘅配料冇摆足，牛肉偏硬，小炒王先最经典，竟然系用芹菜，仲要系湿炒，正常唔应该有芹菜，基本要落嘅虾干都冇，换晒鱼干。蒸鳝除左味唔够之外都冇乜问题，黄金炸蚝都冇问题。叫碗白饭先好笑，一拎出嚟冇烟已经觉得奇怪，成碗隔夜饭咁，第一啖食落去竟然系冻冰冰，超级无诚意。仲有传菜𠮶位哥哥仔嘅行为，上菜嘅时候连佢自己送餐个托盘都摆埋上台，本人真系O晒嘴，之后上水煮牛嘅时候，枱面有两粒腰果，佢竟然照摆喺两粒腰果嘅上边，跟住成碗水煮牛系打斜咗咁放咗喺张枱度，真系搞唔掂，喇喇声食完走人出去食宵夜。。。。。
个咕噜鸡球粉多过肉，滑蛋虾仁的虾乸到透晒明，水煮牛应该要有嘅配料冇摆足，牛肉偏硬，小炒王先最经典，竟然系用芹菜，仲要系湿炒，正常唔应该有芹菜，基本要落嘅虾干都冇，换晒鱼干。蒸鳝除左味唔够之外都冇乜问题，黄金炸蚝都冇问题。
叫碗白饭先好笑，一拎出嚟冇烟已经觉得奇怪，成碗隔夜饭咁，第一啖食落去竟然系冻冰冰，超级无诚意。
仲有传菜𠮶位哥哥仔嘅行为，上菜嘅时候连佢自己送餐个托盘都摆埋上台，本人真系O晒嘴，之后上水煮牛嘅时候，枱面有两粒腰果，佢竟然照摆喺两粒腰果嘅上边，跟住成碗水煮牛系打斜咗咁放咗喺张枱度，真系搞唔掂，喇喇声食完走人出去食宵夜。。。。。
张贴