豬仔糖水 (已結業)

（第一篇食评竟然系如此重的指控真系罪过。。。）今日与友人于邻近既牛棚艺术村睇展，睇完正好肚饿，当然就于附近揾食一轮;食完，紧系要黎番碗糖水啦:3 经过呢间糖水店，记忆中附近除了已结业的海记，都无其他选择，亦无考虑太多就入左去坐低了。小小的甜品店唔算挤迫，服务还好，见价钱牌的价格亦比不少甜品铺平，心谂呢区d野系平d既。然后我地就经历左人生中一段空白。佐治团子($28)呢碗佐治团子首先卖相已经唔太好，食落。。豆花太过化又无豆味，半溶既绿茶雪糕令个口感浓稠得有点奇怪。入面的小丸子虽然仲算烟韧，但与沉底的红豆一样甜得叫人悲伤。凉粉是唯一正常的东西。但总叫吃得下去。真正的绝望系下面呢个。花酿爱玉冻($19)卖相还可以接受既呢碗花酿爱玉冻，一块块的胶根本唔可以叫做爱玉，而系胶。味道还好，但基于个质感，我只系试食左一啖，连吞都吞唔落肚，要呕番出黎。俾呢两味野咁大的冲击，我地既人生好似突然空白左一片，要即刻逃离现场买野饮，先揾番个魂番黎。