影片
更多
2018-08-02
890 浏览
对老一辈嘅香港人嚟讲出街食晚饭唔系中餐就系西餐，中餐即系去酒楼设宴摆酒，西餐即系去扒房/西餐厅食牛扒！莎乐美系荃湾历史悠久嘅西餐厅，记得第一次帮衬系初中跟同学一齐去。餐厅门口玻璃暗暗地，外人望唔到入面，保障食客私隐。餐厅内灯光柔和，当年啲侍应生都著住传统 waiter 制服 - 白裇衫，黑背心，黑西裤，煲呔！餐厅走属中高消费路线。今时今日嘅莎乐美就愈来愈亲民，属平靓正消费！餐厅内装潢不变，只系旧咗少少。虽然侍应已经唔驶打煲呔，但仍然著住完整制服。服务方面，比以前亲切友善！食物方面就走大件抵食路线，铁板餐系最最最抵食嘅选择！套餐有齐餐汤，餐包，主菜，餐饮，甜品！餐汤有红白两款，红汤 - 罗宋汤跟住传统，蔬菜，牛腩粒，令人胃口大开！白汤 - 周打鱼忌廉汤同样出色，鱼肉，薯蓉，梳打饼，唔似坊间又稀又冇味。配埋个热辣辣嘅大餐包，其实已经饱咗一半。主菜铁板午餐 - 鸡扒，猪扒大大块，配薯角，蕃茄杂菜垫底，而什扒份量就更加可以挑战大胃王！如果唔够，仲可以加$3 配白饭/意粉。女士们唔想食咁多肉嘅话，可以拣是日午餐或焗饭餐，今日就点咗焗咖哩猪扒饭，咖哩香料十足，又香又辣，猪扒肉质嫰滑，仲配炒饭底，真
莎乐美系荃湾历史悠久嘅西餐厅，记得第一次帮衬系初中跟同学一齐去。餐厅门口玻璃暗暗地，外人望唔到入面，保障食客私隐。餐厅内灯光柔和，当年啲侍应生都著住传统 waiter 制服 - 白裇衫，黑背心，黑西裤，煲呔！餐厅走属中高消费路线。
今时今日嘅莎乐美就愈来愈亲民，属平靓正消费！餐厅内装潢不变，只系旧咗少少。虽然侍应已经唔驶打煲呔，但仍然著住完整制服。服务方面，比以前亲切友善！
食物方面就走大件抵食路线，铁板餐系最最最抵食嘅选择！套餐有齐餐汤，餐包，主菜，餐饮，甜品！
餐汤有红白两款，红汤 - 罗宋汤跟住传统，蔬菜，牛腩粒，令人胃口大开！白汤 - 周打鱼忌廉汤同样出色，鱼肉，薯蓉，梳打饼，唔似坊间又稀又冇味。配埋个热辣辣嘅大餐包，其实已经饱咗一半。
主菜铁板午餐 - 鸡扒，猪扒大大块，配薯角，蕃茄杂菜垫底，而什扒份量就更加可以挑战大胃王！如果唔够，仲可以加$3 配白饭/意粉。女士们唔想食咁多肉嘅话，可以拣是日午餐或焗饭餐，今日就点咗焗咖哩猪扒饭，咖哩香料十足，又香又辣，猪扒肉质嫰滑，仲配炒饭底，真系饱足感强劲！大大一盘，我投降喇！
张贴
