影片
更多
2024-10-19
537 浏览
集宁静、舒压、治愈嘅好去处《猫之茶房 (弼街)》一直都好钟意猫猫，但本人因为屋企人反对嘅缘故，所以一直都唔可以喺屋企养猫，不过我一直冇放弃到自己钟意撚猫嘅喜好🤣所以今日就同朋友选择嚟到呢一间位于太子嘅猫猫cafe🐹。好难相信喺香港闹市当中有一处咁嘅地方🐱cafe位于一楼，一条短短嘅楼梯增添左神秘感😎上到cafe门口，系开放式落地玻璃嘅门口，令人一眼已经望到cafe嘅环境，同埋猫猫喺入面玩嘅情况，听完店员短短嘅解释，已经急不及待换上拖鞋，消毒双手，然后走入去cafe揾猫猫玩🤤。Cafe内有数十只猫猫，每只都有唔同嘅性格，有啲比较贪玩🤩有啲钟意瞓觉😴有啲比较怕丑😳有啲就好喂食😋。值得一提，有几只猫猫系有特别嘅情况，因为比较怕人、细胆，店舖亦好贴心咁为呢几只猫猫标上特别嘅标志，会喺进入店舖之前同我哋讲述，可以摸佢嘅位置。另外，本店有特别嘅规矩，即使你同猫猫好熟都好，客人系唔能够抱起佢哋玩，因为都要保障返猫猫同埋客人嘅安全👍🏻。食物：由于店舖主打系同猫猫互动，所以佢哋提供嘅只系轻食，包括三文治、蛋糕同埋曲奇，唔会有主食提供。所以去玩嘅朋友要注意，可能要食咗嘢先上去啦😉饮品方面则有少量罐装饮品、
一直都好钟意猫猫，但本人因为屋企人反对嘅缘故，所以一直都唔可以喺屋企养猫，不过我一直冇放弃到自己钟意撚猫嘅喜好🤣所以今日就同朋友选择嚟到呢一间位于太子嘅猫猫cafe🐹。
好难相信喺香港闹市当中有一处咁嘅地方🐱cafe位于一楼，一条短短嘅楼梯增添左神秘感😎上到cafe门口，系开放式落地玻璃嘅门口，令人一眼已经望到cafe嘅环境，同埋猫猫喺入面玩嘅情况，听完店员短短嘅解释，已经急不及待换上拖鞋，消毒双手，然后走入去cafe揾猫猫玩🤤。
Cafe内有数十只猫猫，每只都有唔同嘅性格，有啲比较贪玩🤩有啲钟意瞓觉😴有啲比较怕丑😳有啲就好喂食😋。
值得一提，有几只猫猫系有特别嘅情况，因为比较怕人、细胆，店舖亦好贴心咁为呢几只猫猫标上特别嘅标志，会喺进入店舖之前同我哋讲述，可以摸佢嘅位置。另外，本店有特别嘅规矩，即使你同猫猫好熟都好，客人系唔能够抱起佢哋玩，因为都要保障返猫猫同埋客人嘅安全👍🏻。
食物：
由于店舖主打系同猫猫互动，所以佢哋提供嘅只系轻食，包括三文治、蛋糕同埋曲奇，唔会有主食提供。所以去玩嘅朋友要注意，可能要食咗嘢先上去啦😉饮品方面则有少量罐装饮品、乳酸饮品、朱古力奶同埋咖啡。另外，热茶系免费提供，有少量嘅茶包可以选择，价钱平民，50蚊内就可以买到嘢食同埋嘢饮 。
收费：
头一个钟58蚊，第二个钟38蚊，食物价钱方面，就如上述所讲系另计嘅；而喂猫猫嘅食物亦都系另计嘅。
环境：
环境舒适，如标题所讲，非常治愈、宁静同埋舒压，基本上每一刻都系畀猫猫包围紧🤣另外，猫猫活动范围都好够，空间感十足，店内亦设有猫猫棒比客人同猫猫进行互动👍🏻。
总结：
人均消费大约hkd110至120，非常抵玩。最紧要系令到自己嘅心情可以放松，绝对系治疗压抑心情嘅好去剧😊👍🏻。
张贴
