影片
更多
2018-02-19
636 浏览
新年费事阿娘辛苦，就带佢落屋企附近开饭，柴湾好难得有新野食, 一直都想试下呢间槟城餐厅🤤今日初四，转左个假日餐牌，好似少左好多选择，不过唔收加一，价钱within 一百蚊内都尚算合理。我地今日一行六人～6点就黎霸定位😂，开头都怕地方细会好迫因为有小朋友，原来餐厅直入转角，仲有好几张大枱同圆枱，环境又几新净阔落㖞，感觉比同商场内既其他餐厅舒服。假日menu : 除左槟城野，仲有中菜，锯扒，焗意粉都有，劲多元化。跟餐都有例汤送，有中西汤㨂。我地㨂左青红萝卜鸡脚汤～5碗里面有3碗都有鸡脚。个汤几甜几好饮，但不致于好重味精，饮饮下都饮晒。✨班兰椰子钙思宝（跟餐+16): 佢d 特饮配钙思宝真系有d 奇特。佢d 冰多得过份，4分3都系冰！痴左一啖黎试下，好淡味～系有d 班兰味，但无椰子味，都系饮水好d😆。✨珍珠带子蟹棒炒饭（$80): 本身系虾头膏炒饭，点知话无晒，转左黑松露。个饭都炒得干身有黑松露香味，不过带子无咩味，蟹柳质素一般般。✨槟城炒米粉（$80): 本身系炒贵刁，点知话无晒～又无晒。。可能我走左辣，所以无乜槟城风味。不过以一个普通炒米粉黎讲味道ok, 佢材料都几多，有蛋，火腿，肉丝
今日初四，转左个假日餐牌，好似少左好多选择，不过唔收加一，价钱within 一百蚊内都尚算合理。
我地今日一行六人～6点就黎霸定位😂，开头都怕地方细会好迫因为有小朋友，原来餐厅直入转角，仲有好几张大枱同圆枱，环境又几新净阔落㖞，感觉比同商场内既其他餐厅舒服。
假日menu : 除左槟城野，仲有中菜，锯扒，焗意粉都有，劲多元化。
跟餐都有例汤送，有中西汤㨂。我地㨂左青红萝卜鸡脚汤～5碗里面有3碗都有鸡脚。个汤几甜几好饮，但不致于好重味精，饮饮下都饮晒。
青红萝卜鸡脚汤
55 浏览
0 赞好
0 留言
✨班兰椰子钙思宝（跟餐+16): 佢d 特饮配钙思宝真系有d 奇特。佢d 冰多得过份，4分3都系冰！痴左一啖黎试下，好淡味～系有d 班兰味，但无椰子味，都系饮水好d😆。
✨珍珠带子蟹棒炒饭（$80): 本身系虾头膏炒饭，点知话无晒，转左黑松露。个饭都炒得干身有黑松露香味，不过带子无咩味，蟹柳质素一般般。
✨槟城炒米粉（$80): 本身系炒贵刁，点知话无晒～又无晒。。可能我走左辣，所以无乜槟城风味。不过以一个普通炒米粉黎讲味道ok, 佢材料都几多，有蛋，火腿，肉丝，虾，菜，青椒同菜。呢个好食过炒饭，几够味～而且唔算好油腻。
✨柱侯牛腩萝卜煲（$88): 小菜会另送白饭～萝白好好食，索晒酱汁好入味。不过个牛腩同牛筋，我好唔好彩食左旧都好韧，个筋直头硬到咬唔开。不过屋企人话食到果d 都好腍，睇来质素唔太稳定又或者我比较黑仔。呢个煲其实味道唔错系捞饭之选，希望餐厅改善一下，炆腍晒先好出街。
✨酱爆虾球炒西兰花（$88): 呢个原来有少少辣辣地的，不过又几惹味，系略嫌个虾球未够爽口。
✨枝竹双腩豆腐煲（$88): 叫煲都系无错，送饭之选。双腩系火腩同埋鱼腩，个鱼都几好食。支竹，东菇，豆腐都唔错索晒汁👍🏻
枝竹双腩豆腐煲
31 浏览
0 赞好
0 留言
✨价钱都算合理，埋单六个人四百几蚊。妈子最赞果两个煲，因为屋企好少煮呢d高难度菜，而且味道唔错。我啱啱睇番平日餐牌同假日价钱对比，炒饭原来贵左接近30 蚊😱。
✨如果用番今日既食物质素黎比对，平日黎食其实都食得过，住附近既可以一试😆，不过以侍应服务态度黎讲，确系有进步空间, 感觉佢地个额头作住个苦字。
张贴
