百分味川菜炒粉麵飯

营业中

休息中

是日同朋友去食一间我好中意食既川菜小店。位于女人街既百分味 ，叫左每次黎都必点既麻辣香锅定麻辣干锅 ，今日仲叫埋酸菜鱼 ！ 呢间既干锅系我最爱之一，因为真系炒得好有镬气，旧麻又唔会太辣，调味啱啱好，送饭真系一流。酸菜鱼系第一次order, 估唔到好有惊喜㖞！汤底冇另外加醋，酸味全部系来自酸菜，汤底鲜甜顺喉，可以当汤饮。而且一份入面有好多块鱼肉，唔会话用大量蔬菜垫底，鱼肉亦十分新鲜滑嫰。我地2个，一个话减肥，一个话冇胃口，结果将全部清晒，饱到顶上心口咁样走🤭 虽然落完单等左成半个钟先有得食，但佢重点系抵食，性价比高，埋单每人90几蚊。有人话服务态度差，我自己就无遇到，唔系话好，但不过不失。