雞味濃 (已結業)

本身想食海南鸡，见到呢间个招牌鸡都好似几吸引，就坐低试吓。叫左叉烧豉油鸡双拼饭套餐$75（加豆浆）通常我去餐厅食都系食佢招牌，呢度应该都系试鸡为主，鸡味就唔算浓，不过不失，反而葱油几香😂但系叉烧就好瘦，我地都系钟意系半肥瘦/肥啲，所以有啲失望，同埋佢嘅蜜糖味都唔够出，亦冇咩香味，可能钟意食瘦叉烧同啖味嘅会啱食？套餐个汤有啲奇怪，只系淡味嘅味精汤，好一般。总括嚟讲，好一般，如果想揾美食唔会再去呢间，自己求其食个快餐还好，但都唔平。