榮記粉麵

营业中

休息中

讲起铜锣湾车仔面，应该会即时谂起荣记，长期都有条人龙系门外，好在都排得好快，通常十五分钟内都可以埋位坐低。黎呢度食野唔可以坐得好舒服慢慢叹，因为实在太逼喇！同隔离嘅人坐得好密，想揾多张櫈放下袋同外套都有啲困难！又平又大碗又多唔同种类嘅𩠌可以拣。每次都会必食鸡翼尖同墨鱼头，呢度啲猪红就普通左少少，而水饺同鱼吞都几好味，虽然细粒左啲，但味道唔错！可以一试！记住一定要加辣，加少少都可以令成个面更香更惹味！面底就每次都食米粉，不过有时就太碎喇！好难夹黎食。