影片
更多
2021-09-15
422 浏览
石塘咀山道斜路开咗间新嘅火锅店叫「斗滚」，见佢系任食打边炉，价钱亦都唔贵，于是就揾晚放工去十下十下😆。餐厅无十分华丽嘅装修，不过胜在座位宽敞，而且整齐干净。舖内挂咗唔少电视机📺，播紧ViuTV，喺今时今日嚟讲实属难得，佢完全唔惊你坐好耐都唔走，而家连啲茶记都做唔到呢点。有选择困难症嘅客人喺呢度唔使烦，因为佢得任食同套餐🙈。再者，食材内容就好似厨师发办咁，餐厅会帮你安排好，每日略有不同。我哋拣咗无限时养生汤放题火锅($268/位)，店员有先向我哋简单介绍进食嘅次序👍。枱面张餐纸大大只字写住「先饮汤，再火锅」，咁样令到我对之后嘅火锅汤底抱有好高期望。招牌大乱斗鸡煲🐔，鸡煲好大锅，入面铺满鸡件。佢应该系自己斩鸡，所以每嚿都连骨，未算大大啖肉，不过好彩并无碎骨。鸡肉嫩滑入味，底部仲有豆卜一同索味添。鸡煲有得拣辣度🌶，我哋要咗BB辣，只辣完全系可接受嘅程度，下次要升级！如果佢嘅麻味都可以提升就更佳。蒜蓉蒸海鲜🦐，我本身以为系得一两款，点知原来系一大盘，见到都饱咗，哈哈😍。如果话呢个海鲜盘系四人份都冇人会质疑，海鲜款式劲丰富，包括鲍鱼、扇贝、蚬、开边虾同埋鱼片，佢哋全部都好新鲜。个人认为用蒜蓉蒸海
石塘咀山道斜路开咗间新嘅火锅店叫「斗滚」，见佢系任食打边炉，价钱亦都唔贵，于是就揾晚放工去十下十下😆。
餐厅无十分华丽嘅装修，不过胜在座位宽敞，而且整齐干净。舖内挂咗唔少电视机📺，播紧ViuTV，喺今时今日嚟讲实属难得，佢完全唔惊你坐好耐都唔走，而家连啲茶记都做唔到呢点。
有选择困难症嘅客人喺呢度唔使烦，因为佢得任食同套餐🙈。再者，食材内容就好似厨师发办咁，餐厅会帮你安排好，每日略有不同。
我哋拣咗无限时养生汤放题火锅($268/位)，店员有先向我哋简单介绍进食嘅次序👍。枱面张餐纸大大只字写住「先饮汤，再火锅」，咁样令到我对之后嘅火锅汤底抱有好高期望。
招牌大乱斗鸡煲🐔，鸡煲好大锅，入面铺满鸡件。佢应该系自己斩鸡，所以每嚿都连骨，未算大大啖肉，不过好彩并无碎骨。鸡肉嫩滑入味，底部仲有豆卜一同索味添。鸡煲有得拣辣度🌶，我哋要咗BB辣，只辣完全系可接受嘅程度，下次要升级！如果佢嘅麻味都可以提升就更佳。
蒜蓉蒸海鲜
32 浏览
0 赞好
0 留言
猴头菇花胶炖乌鸡汤
15 浏览
0 赞好
0 留言
本地手切牛颈脊
15 浏览
0 赞好
0 留言
火锅配料摆放喺雪柜，自助形式选取，款式都多，有齐蔬菜同丸类等🍢。但由于我哋经已太饱，所以只系拎咗少少。
餐厅汽水都系任饮，但啤酒就唔包🍻。如果想任饮啤酒，每人要加$98，我就觉得有啲贵啰。
椰汁雪燕，最后嚟返个糖水为今餐作结。糖水味道唔错，🥥椰香满满，加入雪燕，提供美容功效。
总括嚟讲，呢间火锅放题店相当高质，更重要嘅系佢系无限时‼️，适合同朋友无拘无束大吃大喝。同时，如果著重汤底质素嘅朋友，更加应该嚟试吓佢嘅养生汤，相信唔会令你失望。
张贴
