鍋匠中日火鍋專門店 (已結業)

讲左想食鸡煲好耐，一直未成行，今次终于食到了👏。 . .手切安格斯牛肉放题 $248 @ 锅匠中日火锅专门店 . .今次既火锅放题有点特别，系先食鸡煲然后再转火锅汤底既，同之前试过以鸡煲底再加汤打边炉既食法唔同。一开始会有一盘前菜~胡麻沙律，之后我地需要拣精品之汤，即系系鸡煲、蕃茄薯仔粟米猪骨汤、芝士鸡煲等选择，一场黎到，当然要试试鸡煲啦🐥。拣左唔辣既口味，但仍然好惹味，香料味好出而且鸡肉又嫩😁。食完鸡煲就到火锅了😂，拣左最basic既香茜皮蛋汤底，感觉无咁热气😂😂，皮蛋多到一个点，k好钟意😂。.…讲下火锅配料先！必推手切安格斯牛肉，薄切牛肉油脂分布平均，牛脂香十足，而且烚后肉质仍然非常细嫩！肉类选择仲有特上牛肉、极品一口牛（虽然系牛肉粒，但一d都唔韧，而且牛味仲好重添）、丹麦豚肉等。主食仲包括左豚肉汤包、蟹子鲜虾滑、鲜虾云吞等。而其他锅物包括左鱼糕片、鱼腐、樱花虾饼、响铃、蜂巢豆腐、炸鱼皮等，全部系索汤既好选择~🤘. …为左减轻罪恶感，叫点菜是必需的！点左好多菇类，例如鸡脾菇、金菇同本菇，私心推介南瓜片，系极甜的喔！唔够饱，呢度有饭面放题，可以点返个和牛炒饭😲或者荞麦面饱上加饱😂。