BB辣

营业中

休息中

今日收工过来荔枝角香港工业中心呢边批发睇吓衫，睇吓有咩新款夏天衫可以买下，行行下俾我发现呢度呢度有间BB辣，有酸菜鱼又有鸡煲食。有2人套餐火锅$368几抵食。点左鸡煲配一碟手切安格斯牛肉，蔬菜拼盆和水晶寛粉。鸡煲点左BB辣，比想像中仲辣，但是越食越好味，鸡肉好嫩滑又好入味，鸡煲份量又多，食完鸡就加汤打边炉。手切安格斯牛肉竟然系一碟大大碟，牛肉油脂均匀，手切牛肉厚度又几厚，牛味香浓，肉质嫩滑，用鸡煲汤底打边炉超入味。手切安格斯牛肉，片片都差唔多咁厚度，肉质嫩滑好好味。蔬菜拼盆，食完鸡煲和牛肉最后汤底当然要放一些蔬菜去煮可以索汤的精华。水晶寛粉水晶寛粉又好烟韧又弹牙好好味，两个人已经食咗到好饱。套餐可以加$8换豆浆。