富盈火鍋雞煲專門店 (已結業)

圣诞期间其实成日都系食打边炉同BBQ，今日啱啱过咗圣诞我同BB就去咗富盈食火锅加韩式烤肉放题，其实真心劲抵每人只系$188 ，就一次过可以食两款嘢食，讲真其实都几忙架，一嚟到侍应就会问你系咪食鸡煲啊，梗系食鸡煲啦系咪先，就带咗个BB辣鸡煲，两个人佢都比差唔多成半只鸡，个鸡煲真系好好味，本身我哋想再加鸡嘅，但系要留肚食火锅同埋韩式烧肉，所以我哋就食完本身嘅鸡就直接转食火锅啦，佢哋啲火锅料系整整齐齐咁自助夹既，自己想食几多就攞几多，另外仲有一啲小食系熟食嚟嘅，我最推介系佢个泡椒鸡脚，小小辣鸡脚好爽口，另外仲食咗佢个鱼蛋萝卜都好好味，其他嘢食都中规中矩，同埋最紧要系佢甜品方面又有雪糕又有一个都几好味嘅啫喱，个啫喱我未见过嘅仲要系日本牌子，青苹果味真系好清新唔太甜可以一次食几个，如果约一班朋友嚟食就更加开心啦。