富盈火鍋雞煲專門店

營業中

休息中

見到open rice 唔少負評，百思不解。佢二百幾蚊價錢，肉類海鮮都算有鮮味，特別係牛入面有款封門柳牛味濃，同埋燒烤嘅蠔，同係街市買啲鮮𧐢仔一樣。嚮鈐又係自己生炸，仲有原條黃花魚燒烤。出面自助區款式多，熟食又有成煲靑湯牛腩任你攞。服務方便，上菜又唔慢，叫佢換燒烤爐張紙即刻同我搞。一入嚟店員會同你講你如果怕飽唔要雞煲可以直接邊爐，基本上keep 住有人同你換碟。價錢上，佢有早鳥優惠（8:00 前離座平幾十蚊，生日優惠（88 折）。總結係性價比一定高過連鎖個d 牛乜，因為肉類味道差唔多，座位富盈大d, 佢又有海鮮蒸鍋，又刺身（不過真係普通咗啲），純粹係裝修冇d 連續店咁新派，但環境都乾淨。

應該已經一年左右冇嚟我都算係呢間富盈廚房嘅舊客，麥花臣年代幫襯到依家今日星期日，一上到嚟見到成個場大約三分一， 心諗依家做乜變得咁靜，嗰時都未知發生咩事十點幾，一差唔多夠鐘埋單就即刻掉張單過嚟， 冇耐之後仲要吹埋單，埋單之後想行去拎多個豆腐花食下， 點知畀個侍應叫住，“ 喂,你哋過幾分鐘唔可以再出嚟拎嘢食”， 仲要態度勁串超級差， 喺呢一刻我明白點解依家咁少人嚟過咗大約十幾分鐘之後仲趕埋我哋走， 明明佢收一點,明明個場唔係好多人真係令人覺得唏噓， 一間喺旺角屹立十年以上嘅老牌任食雞煲變成咁， 感覺似可能換咗老細， 諗你想當年啲服務態度好好， 仲會有人專登走埋問你啲嘢食得唔得，攪成咁，我以後都唔會再黎

餐廳歧視1人用餐，我說可以付2人錢，他們說：下次帶朋友先黎。即時感覺真的不太多，我也想到他們的成本問題，先講1人可2人的錢，本來門口沒有接待，上一層環境暗暗的，不知道以為拍鬼片場地，環境唔仲歧視1個人，未食先扣分。

星期日晚同frd上去都仲有勁多位，食飯時間都冇咩人，walk in一定冇問題，店鋪位置都易搵。食物款式都好齊全，啱曬咩都想試d但食唔多嘅朋友仔。一次過可以食齊燒肉 雞煲 打邊爐，唔洗揀食咩好，啱曬同一大班朋友仔一齊去食。價錢亦十分相宜，啱曬學生黨。不過食物質素就非常一般，全部嘢都唔算新鮮，睇得出放左出嚟好耐，海鮮都好大浸腥味🫢肉類應該落左好多醃料，食落d醃料味會蓋過肉味，只要食調料味。不過以咁嘅價錢，可以食到咁多款嘢食都算係咁。我個人就比較追求食物嘅質素，再有下次可能就未必啦😥

星期六晚遲左收工，朋友係入面食緊，但由於小妹想食雞煲，所以試吓問門口哥哥可唔可以開多一次個雞煲，哥哥話唔得，我覺得合理，因為朋友已經打邊爐階段，唔特登開返個雞煲好正常，咁我就睇吓門口buffet 位有咩食啦，都打算坐低一齊打邊爐，但係職員即刻截住話：入去坐，唔准飲嘢唔准食嘢！當時係俾佢命令式嘅口吻嚇了一大跳😳，我同返哥哥仔講：可唔可以睇下有咩食？再決定入座？事後覺得太「委屈」了哥哥仔，令佢難做決定落樓下食十三姨（好彩去咗十三姨食，原因請睇埋下文），事後聽朋友講，佢地慶祝生日，擺左個蛋糕上去幾個鐘，攞返出嚟切蛋糕嘅時候，個蛋糕係冇雪過兼溶左（唔知會唔會肚痛），生日牌爛左🥶「同事之間互相推卸責任」，最後竟然發現，佢地有同事去完廁所竟然、竟然、冇洗手！！aiyaya

收銀男職員態度極差， 食物質素一般般，嘢飲選擇少，同價錢隔離有大把好野食，中伏，唔建議去，垃圾中既垃圾，完全唔知食乜嘢，有錢有時間又鍾意食垃圾嘅可以去試吓，講多無謂

嗱！今次想同大家講講我食咗個色香味俱全嘅大餐，仲要係得咁讚嘅環境中。首先畀個掌聲俾佢哋個「招牌火鍋」，湯底選擇多到我眼花撩亂，最後揀咗個秘制麻辣湯，夠晒夠勁辣，頂級滋味溫暖埋件心！🍲辣度完美，千層肚同金菇落湯幾分鐘，出嚟嗰陣口感既嫩滑又爽口，汁水全畀佢吸晒，一啖落肚真係夠晒滿足。食完熱辣辣嘅火鍋，就過番嚟燒肉味道。安格斯牛肉只需喺面頭輕輕噏一噏，每一啖都咁多汁、咁嫩滑，食得我呼哧呼哧咁賣力。🥩😋轉頭又食嘅西班牙黑毛豬，外皮烤得啱啱好，有啲嘅金黃色；肉質鮮美又彈牙，嘖嘖，呢啲食材真係惹味到爆炸！嚟到甜品，自家制花生糊正！滑溜溜嘅口感攪拌得啱啱哋，花生香味撲鼻而唔膩口，老實講，完場可以有咁滋潤嘅味道，真係錦上添花啊！🍨潮州蘿蔔糕同埋蒸蛋係我心頭好，都做得唔錯，尤其係蒸蛋，細滑得嚟又夠味，喂，真係叫人一試愛上！總結，呢次嘅食體驗正，地方夠曬企理，服務又得，如果想食得痛快又唔想花得太多，真係一個好選擇！

當日4個人食晚市無限時，啱開始時嗌咗幾碟牛（每碟3-4塊而已），咁我哋就再嗌多10碟打邊爐，過咗15分鐘都冇上，就問店員，突然有個好高，姓郭嘅男店員過嚟指住我哋，用唔禮貌嘅語氣話食唔晒就逐碟收$100，連煲入面都逐塊計，但收據明明寫一塊收$10，一碟都冇10塊又點收$100呢？成程只感覺服務態度好差，攞錢買難受，唔會再去。。。

仲剩30分鐘唔係同你講last order問你仲加唔加野，直接係話出面好多人等緊叫你執野買單走人仲要冇講到用餐時間係幾耐，正常間間放題都會同你講埋，但佢地係唔講，淨係問食邊個價位就算冇下次亦都唔推薦

呢間餐廳可以一次過滿足三個願望，啱哂我呢啲貪心鬼。4個套餐不同款式不同收費，揀咗 #2 美國極上牛頸脊放題（$258）。先嚟個雞煲，要咗少辣，好快上枱，味道中規中矩，因為怕太飽食唔到其他嘢，所以無再添加。之後轉火鍋 + 韓燒，兩個爐，一左一右同時進行。火鍋及韓燒食物有啲要填紙仔，有啲就出去自助拎，最吸引係有不少海觧食材提供。另外仲有少量前菜、熟食、飲品、甜品。總括嚟講，食物款式頗多，質素正常，對得住收費價錢，可以一試。

講真係現今香港，你唔做番咁上下廣告，人地上網Search火鍋除左某D連鎖集團店外，有幾可會搵到d又值食又好食既店仔？一堆牛X已經擋左幾版，所以都唔個點解比我search 到呢間唔出名，仲要座落係旺角小巷內既富盛火鍋，仲要神推鬼㧬咁睇到菜單，2百幾有任食海鮮仲要去到象拔蚌級別，好難唔心動去試試😌登打士街行到傷心酸辣粉大大個招牌底轉入去嘅小巷就會見到呢間店面門口好細，但係實際上樓之後空間異常廣闊嘅富盈火鍋，以一間任食黎講佢真係勁大空間，手肘撞手肘完全不存在基本上兩人已經比到1檯2爐既狀態。都唔知係心地好定生意唔好😂😂😂叫左個3號餐無限任食，但由於7:30前埋單可以有折頭關係，所以貪小便宜，最尾只係食咗兩個鐘，但如果閣下都想嘗試嘅話我奉勸你都係唔好貪小便宜，一定食盡佢因為其實真係兩個鐘頭唔夠時間食咁多嘢先上個無限任食嘅麻辣雞煲，本身有女士在場，所以叫左細辣，雞肉絕對稱唔上嫩滑，有d鞋但幾惹味。由於今日嘅目標係海鮮，所以雞煲淨係食咗一個就放棄，免得浪費時間，以上圖片裏面嘅食物都係任叫任食，由扇貝到鮑魚到生蠔到石班塊到鰻魚到象拔蚌到紅蚌片到生海蝦真係任食，而且叫幾多上幾多，絕無漏單本身係超特惠，

再訪. 當然會作出比較.等候時間: 0 分鐘. ( 因為一早book 左位)上次職員有教我雞煲, 要點搞. 但係, 今次上左個煲 就算. 服務態度無之前甘好, ( 有可能係因為多人.講唔切)上次最吸引既花膠, 今次都明顯差左少少, 上次厚 同有咬口, 但係今次已經無左優質既感覺. 加上 生蠔, 牛舌都未解凍.不過, 今次既好處係, 飲品多左, 多左冷泡茶, 都幾好. 花甲 新鮮過上次, 鯇魚片 爽口過上次, 鰻魚好味過上次,因為今次多客過上次, 所以雪櫃refill得快左.依然係有生日優惠, 88折抵返.

平安夜去邊度食都貴 ，有同事介紹呢間餐廳本來睇見差評就唔想嚟，以為好差，最後男朋友話要嚟試下，結果嚟試到 ，發覺食物質素ok 價錢三百幾蚊仲唔可以任飲1664 ， 啲菜又嫩， 海鮮同肉類都ok ，職員係好忙，但係有個戴眼鏡嘅姐姐佢會主動問我哋需唔需要幫我哋攞啤酒 我食咗咁多年任飲任食場嚟講都係第一次問我主動問我需唔需要攞啤酒畀我，我覺得服務都唔差，我同男朋友都覺得又唔係太貴又有雙爐，食物野飲款式都算多，服務唔太差已經算係好。

黎左試個雞煲同邊爐，一叫左無耐就到，雞幾多下，自己慢慢控制火喉，D 雞啱啱熟會時食最滑最嫩，認真正。食完雞煲就用個煲底打邊爐，有好多唔同嘅食材任君選擇，各類肉丸、腸仔，不同種類的蔬菜、肉類、花甲、蠔，三文魚、蝦、炸魚皮、響鈴等等，仲可以叫鮑魚添，真係好多款式。仲有雪櫃入面有大量飲品，啤酒、汽水任飲，真係抵食~最後食落甜品就完滿結束了!

呢間店，疫情時已經幫襯佢👍🏻👍🏻地方唔算靚裝修，但優勝在算乾淨、冷氣夠❄️食物亦算多選擇，燒烤有成條魚、成條豬腩肉、三文魚、鮑魚、蝦、帶子…..太多，不能盡錄🤭火鍋係食完雞煲再打邊爐，飲品亦多選擇，生日月份仲全單88折，切蛋糕不收費。我想講店員態度，感覺唔係差，算幾好👍🏻👍🏻不過我上次也見到一啲野蠻客人鬧職員，佢哋都好容忍，要讚👏🏻👏🏻👏🏻希望佢哋繼續keep住水準😎😎😋😋