成都小巷米線雞煲 (和富道) (已結業)

今日去左北角和富中心附近食饭，见到有任食鸡煲，百零蚊已经可以任食个半钟，就入去食饭。店员问我要辣定唔辣，辣系可选择大、中、小、BB辣或唔辣，我拣左BB辣。呢段时间我就攞嘢饮，有汽水、乌龙茶、啤酒、清凉爽……跟住店员将个鸡煲摆喺平面炉上，鸡煲都有几多鸡，有鸡脾、鸡翼、鸡尖、鸡胸、鸡屁股。试过食其他店的鸡煲，成煲都系鸡脾肉，真系食到口都寡埋。除咗鸡件，仲有洋葱片、蒜头粒和芫茜。鸡肉都算嫩滑，而且好入味，酱汁有啲似沙嗲酱和有啲甜味，都几好食。但BB辣对我来讲都系辣，虽然系辣，但个种麻辣会慢慢系喉咙出嚟，都可以接受。食完鸡煲，就自己加汤，等到汤滚起就打边炉。用呢个鸡煲加汤打边炉，味道唔错。加左油麦菜、生菜、冬瓜、南瓜滚滚下都几入味，南瓜仲好腍甜，冬瓜更加系必食。第一次用鱼肉烧卖打边炉，鱼肉烧卖唔会净系一嚿粉，实实净带甜，味道又几夹㖞！贡丸大大粒仲有冬菇粒。啲配料和饮品系自己去自助区攞，而配料和饮品系任食任饮。食鸡煲，我觉得饮汽水系最夹呀！📍成都小巷米线鸡煲 (和富道) (北角)北角和富道85-86号地舖电话：92677752