影片
更多
2021-08-17
265 浏览
早排跑步行经山道发现斜路X哥个铺位易咗手，新店叫斗滚，最吸引我望既就系话手切牛颈脊都系任食！对我来讲，打边炉冇得任食牛不如唔好食，或者要另外加钱都令人食得好唔爽。见有得任食牛，我就一于俾个机会佢，由于女友唔食得海鲜，今日可以自由活动，约咗个老友食。加上系任食，同仔食会特别爽，食两轮都冇难度啊。星期日六点几去到都已经有唔少人食紧，平日收费268一位，但假日就多30，可接受。其实价钱唔系问题，最紧要系佢俾你无．限．时．食！有时食到咁上下，想出去呼吸下，再食过，但如果限食90分钟果啲根本厕所都冇时间去。先食鸡煲，鸡煲好鬼大兜㖞，店员仲话可以任食，真系啱晒大胃王。原本嗌左小辣，但一食就觉得唔够喉，同阿店员哥仔讲，佢即刻拎入厨房揾师傅帮我哋加辣，大概去到中辣程度就最正。个汁咁惹味，好有encore嘅冲动，来碗白饭吖唔该！但食食吓又有其他野准备上枱。即系咁我知有海鲜食，但我以为系供打边炉用嘅海鲜拼盘，点知原来系海鲜大杂会，以蒜蓉蒸嘅方式登场。真心讲，斋计呢板野，佢卖三嚿水都唔过份啰。虽则啲海鲜唔算好大只，但以鲜味取胜。我自己最钟意开边虾，未食但闻住已经觉得好香。食完海鲜令到本身想再战鸡煲嘅我哋都放
星期日六点几去到都已经有唔少人食紧，平日收费268一位，但假日就多30，可接受。其实价钱唔系问题，最紧要系佢俾你无．限．时．食！有时食到咁上下，想出去呼吸下，再食过，但如果限食90分钟果啲根本厕所都冇时间去。
先食鸡煲，鸡煲好鬼大兜㖞，店员仲话可以任食，真系啱晒大胃王。原本嗌左小辣，但一食就觉得唔够喉，同阿店员哥仔讲，佢即刻拎入厨房揾师傅帮我哋加辣，大概去到中辣程度就最正。个汁咁惹味，好有encore嘅冲动，来碗白饭吖唔该！但食食吓又有其他野准备上枱。
即系咁我知有海鲜食，但我以为系供打边炉用嘅海鲜拼盘，点知原来系海鲜大杂会，以蒜蓉蒸嘅方式登场。真心讲，斋计呢板野，佢卖三嚿水都唔过份啰。虽则啲海鲜唔算好大只，但以鲜味取胜。我自己最钟意开边虾，未食但闻住已经觉得好香。食完海鲜令到本身想再战鸡煲嘅我哋都放弃咗。
依度打边炉嘅汤底一啲都唔流，莫讲话佢唔系就咁加汤落个鸡煲度，佢直头换过个汤底比你。个汤底仲要系养生汤，好似每日都有唔同，我哋要咗炖乌鸡花胶汤，哇，一上枱真系见到大大只乌鸡，无呃人。喂个汤好饮㖞，食惯茶记嘅我一饮就知有冇落味精，佢当然无，我哋未开始渌牛肉已经队咗半煲。
牛颈脊任食原来系有一个条件，就系要帮手Like 社交平台，轻松啦，而且真心觉得值得推介，所以之后都唔会Unlike返XD，哈哈。牛颈脊大大碟，以咁大碟嚟计，单点最平都收你198啦。我哋一人食咗块之后都大感满意，觉得牛味浓郁有口感，最终各自啪咗一碟，如果出边咁样食就已经四旧水啦。
我哋几乎忘记咗仲有其他打边炉配料任食，雪柜自取，唔使落单。但挂住食牛肉嘅我哋都无咩点食到其他野了。
张贴
