天浮橋拉麵 (已結業)

想系元朗食拉面，友人话想试下呢间天浮桥！餐厅内外贴左好多日本海报，简单装修又不失日本味道。食物选择有拉面有卤面，亦有教法点食系最正！锦爽鸡肉小丸子 $20 叫得小丸子，当然系细细粒，一啖一粒过下口瘾做餐前小食，食落几弹牙。翡翠浓汤 $88 拉面店通常都系四色之选，白、红、绿及黑，每款系代表不同味道，当中绿色好似比较少人会食，其实都系用天然草本植物调色，不过汤底草本味唔太突出，相反令鸡味无咁郁郁。另外每碗拉面已经附有锦爽鸡腿肉、味玉、洋葱及京蒽，材料足够饱肚。盐鸡白汤 $80 相对之下，呢碗鸡白浓无加其他嘢可以尝到纯鸡白汤嘅清甜，配埋爽口鸡腿肉好夹。