泓一拉麵

营业中

休息中

泓一拉面之前试过红磡嘅分店，记得当时个鸡白汤拉面已经好出色。虽然太子分店已经开左一段时间，而家先有时间去试试，结果果然保持到水准😋✨️泡沫鸡x豚汤拉面 $105✨️鸡白汤口感软绵，饮个汤底有好明显嘅鸡味同豚味，而又唔会互相抢左对方阵味，味道鲜甜。汤底质感有少少杰身，容易入口，而且都保持到几热嘅温度。有两块叉烧、慢煮鸡胸及溏心蛋。叉烧偏瘦，正常发挥；慢煮鸡胸颇有咬口，有烟熏味道；溏心蛋亦有流黄，个人比较钟意流黄嘅溏心蛋。面质方面比较软身，建议下次可以试下硬身少少。成件事都几配合到。✨️煮干酱油拉面 $105✨️汤底有阵阵酱油嘅香味，味道会比起鸡白汤更为浓郁及腻，亦有点咸，饮落之后会有阵鱼干味涌出。面质一样都系比较软。不过呢碗个叉烧反而有点柴，有点难咬得开。不过幸好个溏心蛋够入味。