天浮橋拉麵 (已結業)

平时有去开元朗按脚嘅习惯，今次经过发现按开果间舖隔离开咗间拉面店，于是决定帮衬下佢。由于见佢主打鸡白汤，所以就拣咗盐鸡白汤拉面。另外仲叫咗份锦爽鸡肉丸子，因为发现拉面冇咗呢个𩠌但自己又好想食。讲番个拉面先，食拉面最重要就系个汤底，唔够热嘅话基本上碗拉面已经玩完。好彩呢到个汤底够晒热，食咗一半个汤仲系热辣辣。而且个鸡白汤浓郁得嚟又唔会太咸。面底方面好有咬口，唔错。至于叉烧方面，佢地用咗嫩滑嘅鸡髀肉取代猪肉，好特别。而个鸡肉丸子好结实，食落会有少少肉汁渗出嚟，比起鸡髀肉叉烧，呢个丸子嘅鸡味会香浓啲。希望佢地可以keep住呢个水准。