一生懸麵

营业中

休息中

今日去左一间系旺角开左好耐嘅拉面店。见佢岀左新汤底，即刻去左试下。𠮶日9点去食，排左一阵队就可以入到去坐低。先讲环境，店舖面积唔算好大，入到去坐低都系少少挤迫，但整体状况都干净舒服。落单后都好快就有嘢食。我叫左鸡白汤拉面($95)，整碗面比我嘅感觉很好。汤底嘅鸡白汤浓厚而唔油腻，仲饮到淡淡嘅鸡香味。拉面本身固定配以幼面，亦与汤底十分配合。配料嘅叉烧同鸡肉都做到很肉质嫩滑而唔嚡口。糖心蛋嘅熟度都做得啱啱好，仲要系成只上。配合埋旁边嘅洋葱碎同埋葱粒，进食时嘅层次感有所不同。