影片
更多
2021-05-26
1163 浏览
挑战，鸡翼放题！大胃王M佬同鸡翼控A姐，今日嚟到中环Wingman嚟个鸡翼放题PK战，输咗嘅就要负责今个星期屋企大扫除啦！一入到嚟Wingman，就会见到好多港式设计，例如仿九龙皇帝墨宝、霓虹灯等等，玩味十足。我哋今日就叫咗10款鸡翼放题，连汽水、柠檬茶同啤酒都任饮，够晒抵食！唔讲咁多，即刻挑战！鸡翼放题限时90分钟，每次最多叫5款味道，而每款味道最多4只，食完再叫，唔好浪费。呢度嘅鸡翼主要分为湿身同干身，湿身主要系酱，而干身主要系粉。鸡翼全部即叫即炸，制作需时，但就够晒新鲜热辣。泰式甜辣酱鸡翼呢款泰式甜辣酱都系我同A姐首推嘅味道，每只鸡翼都涂满泰式甜辣酱，又甜又辣，非常惹味。纽奥良香粉鸡翼纽奥良鸡翼一直都深受唔少人喜爱，其实纽粤良粉即系混入咗匈牙利红椒粉paprika、大蒜粉、洋葱粉、黑胡椒、小茴香粉、辣椒粉、奥勒冈同百里香而成，所以香气强烈，味道非常有层次。黑芝麻海鲜蜂蜜鸡翼呢款味道深受A姐喜爱，而我就系输咗一只黑芝麻海鲜蜂蜜酱俾佢！呢只鸡翼嘅酱汁好似食紧乳猪或片皮鸭咁，味道浓郁！黑椒柠檬味鸡翼呢只味一啲都唔腻，因为黑椒又香又浓，加上柠檬汁，非常清新开胃。蒙古烧烤味鸡翼蒙古烧烤充满
鸡翼放题限时90分钟，每次最多叫5款味道，而每款味道最多4只，食完再叫，唔好浪费。呢度嘅鸡翼主要分为湿身同干身，湿身主要系酱，而干身主要系粉。鸡翼全部即叫即炸，制作需时，但就够晒新鲜热辣。
泰式甜辣酱鸡翼
呢款泰式甜辣酱都系我同A姐首推嘅味道，每只鸡翼都涂满泰式甜辣酱，又甜又辣，非常惹味。
纽奥良香粉鸡翼
纽奥良鸡翼一直都深受唔少人喜爱，其实纽粤良粉即系混入咗匈牙利红椒粉paprika、大蒜粉、洋葱粉、黑胡椒、小茴香粉、辣椒粉、奥勒冈同百里香而成，所以香气强烈，味道非常有层次。
黑芝麻海鲜蜂蜜鸡翼
呢款味道深受A姐喜爱，而我就系输咗一只黑芝麻海鲜蜂蜜酱俾佢！呢只鸡翼嘅酱汁好似食紧乳猪或片皮鸭咁，味道浓郁！
黑椒柠檬味鸡翼
呢只味一啲都唔腻，因为黑椒又香又浓，加上柠檬汁，非常清新开胃。
蒙古烧烤味鸡翼
蒙古烧烤充满浓浓嘅孜然味，同土匪鸡翼非常相似。
水牛城酱鸡翼
水牛城鸡翼一向都唔系我同A姐嘅所爱，但嚟到点都要试吓！鸡翼涂满水牛城酱，又酸又辣，味道非常浓郁强烈，钟意食水牛城鸡翼嘅人，一定唔可以错过。
巴马臣芝士蒜蓉味鸡翼
劲多芝士粉同劲多蒜蓉呀！鸡翼芝士味香浓，加上蒜蓉，味道咸香又有层次。
咖啡香味鸡翼
鸡翼洒满espresso咖啡粉，充满浓香咖啡味，仲带有少少咖啡嘅炭焦味，系男人man仔嘅味道。
田园风味鸡翼
田园风味有洋葱、细香葱同酸忌廉，呢款鸡翼系相对淡口嘅清新香味。
死神酱鸡翼
呢款死神酱鸡翼一定要留到最尾最尾最尾先食！死神酱鸡翼充满辣椒同秘制辣酱，非常非常辣，够晒刺激，一只就K.O.左我！
饮品
我哋呢个餐仲包埋饮品放题，其中指定啤酒都系任饮，确实非常抵，啱晒成班friend一齐嚟尽情狂欢，而我就要返去做大扫除啦！
张贴
