東方宮蘭州牛肉拉麵 (已結業)

兰州拉面系大陆就成日见，好少系香港见到，今次亦都系第一次系香港食兰州拉面，朋友介绍嘅，咁都俾佢发现到呢间店，位置系铜锣湾地铁站C出口，行五分钟左右，平时好少会行咁入。间舖唔大，不过都几干净，下午茶时段去嘅，所以人唔多。朋友好快决定到食乜嘢，叫咗几串羊肉串，一份大盘鸡，仲有烤鸡翼。冇谂到最好食嘅，居然系烤鸡翼，好入味，孜然嘅味道好香，不过有两只嘅背面有点lung，如果唔系就完美喇。羊肉串都ok嘅，大部分系瘦肉，冇乜肥肉，钟意瘦肉嘅就会觉得好好，但味道冇鸡翼香。大盘鸡睇上去好吸引，但味道唔够，既唔够香又唔够咸。总体而言，性价比都算好高，感觉同深圳价钱差唔多，味道都唔错。