肥仔海南雞專門店 (海光苑)

营业中

休息中

今日本来想去凝香园买可乐鸡翼饭(唔知有无记错名)，但阿姐话卖哂，又想食鸡，行咗隔离两档，嚟呢间买咗个招牌无骨海南鸡饭，包个例汤盛惠49蚊。买饭𠮶阵，收银阿姐仲问我要唔要加6蚊转髀位，话滑啲，我话唔洗。打开个饭盒，食咗一啖饭，成阵发霉既up味，似系啲白米放咗好耐，或者受潮发霉，味道好怪，十足十以前返大陆食过啲劣质餐厅既白饭，差！跟住到试旧鸡，无味，干柴，仲要斩埋啲鸡皮连肉碎俾我，啲鸡唔系新鲜鸡都算，唔知佢点调味，差！啲鸡底下有三四旧腌青瓜，味道正常 啲酱料正常，比鸡同饭更出色，不如净卖酱料算！个海南鸡饭仲要差过连锁快餐集团大xx既出品，十分难得！个例汤试咗一啖之后倒哂，淡味，成堆水沟鸡油，有一旧细冬瓜响底。呢间第一次试，然后没有然后，完了吧，浪费咗49蚊。