蛋記

营业中

休息中

今日兴之所至去咗太安楼揾宵夜。食完紫薯手抓饼仲有quota，就试下呢间阿苏赞嘅蛋记鸡蛋仔。前面得一个人等紧，$13一份，等两分钟有得食。鸡蛋仔要好食，我觉得都系三个要求：外脆、内软、有蛋味。以呢三个要求嚟讲 -外脆：咬落会卡卡声，都算做到脆，不过有少少硬。内软：做到。而且佢嘅份量唔多唔少啱啱好，唔会质得太实，又唔会得个壳。有蛋味：对唔住，真系冇乜，呢个系主要扣分位。总括，都系合格有余嘅，不过仲有进步空间啰。