五代同糖 (已結業)

鸡蛋布丁绝对系五代同糖嘅招牌甜品，味道如何就未知，但至少都成为城中热话。今晚行过，一于买番半打返屋企试吓。一盒半打，$64，平均每只$10.67。系网上见堂食嘅鸡蛋布丁，系用透明玻璃蛋形器皿盛载，非常精致；至于外卖，则用真蛋壳盛载。返到屋企，一打开包装盒，并闻唔到任何香味，始终都系冻食，香味一定唔会扑出来，哈哈，颜色呈淡奶黄色，搯了一口，确实滑溜，不太甜，有浓郁嘅云呢拿味道，但蛋味欠奉，不其然地搯了第二口，第三口……，不到第五口，已经近乎搯光了，一只鸡蛋嘅size有几大，大家心中有数。当搯到底部时，就会见到好多一粒粒嘅黑色点点，原来呢d黑色点点系云呢拿嘅种籽，难怪有咁重嘅云呢拿味道。其实呢𠮶鸡蛋布丁，同焦糖炖蛋一样，分别只在于表面𠮶层脆焦糖，我个人就比较喜欢焦糖炖蛋多d。