La Rotisserie (廈門街) (已結業)

成日经过呢间店都闻到好香嘅烤鸡味，所以今次打算试下，takeaway咗半只鸡加个汤同焗薯角。汤同薯角味道都几唔错，特别系薯角，烤得恰到好处，而且香草好入味，系值得买嘅。不过身为主角嘅烤鸡真系难食到令人极度失望，𠮶半只烤鸡完全系烤过龙，食落又干又鞋又无味。为咗唔好浪费食物，我唯一谂到嘅方法就系撕d鸡肉落嚟放入个汤度一齐食，不过最后因为太难食嘅关系我都系食唔晒，食完呢次之后我绝对唔好再去呢间店买烤鸡！