水門雞飯 (蟾宮大廈)

营业中

休息中

海南鸡饭最紧要就系只鸡够滑，同埋啲饭要够香同粒粒分明。呢度嘅鸡饭算系不过不失。虽然已经叫咗鸡髀，但系都未算最滑，而啲饭就有少少湿湿地。唔系特别钟意食鸡饭嘅，可以试下其他嘢。相反，佢啲面食反而唔错。泰式牛腩金边粉几好味，可能我本人钟情呢啲泰式嘅味精汤底，而啲牛腩都炆得几霖。另一款系鱼片冬阴功。呢度嘅冬阴功公系偏向清汤底，冇咁油腻，不过味道就冇咁浓郁。最后我哋仲叫咗个芒果糯米饭做甜品。芒果当造，所以几甜，分量足够。有点美中不足嘅系啲糯米饭未算好烟韧。但整体嚟讲都几好食。如果下次有机会等我同大家介绍下，一间喺湾仔好好食嘅芒果糯米饭。