Chalet (已結業)

今日晚餐选上呢间位于荃湾, 走中高档路线嘅西餐厅。餐厅除咗中间几张台系"贴地"之外, 其他全部系高台, 其中一边墙装上projector, 呢个格局睇波一流啦。先嚟个小食！脆脆三角墨西哥片表面铺上芝士, 烤热后芝士溶化, 拎起随即拉丝, 配上经典番茄莎莎酱、酸忌廉、牛油果酱就最夹。侍者捧上呢道菜时, 我眼里就只有龙虾。原只澳洲龙虾, 肉质肥厚弹牙, 加上混合咗虾膏嘅酱汁, 味道更加浓郁丰腴, 令人回味。呢只烤乳猪嫩滑肥美, 外皮香脆可口, 皮肉之间带一层油脂, 入口油香丰盈。配菜有新鲜翠绿嘅法边豆, 经轻轻烤熟, 爽脆鲜嫩。除咗法边豆之外, 主角乳猪之下仲有薯蓉、酸菜, 很有风味。